Luke 8:10 - Te Fuakava Fo'ou 'i te Lea faka-Niuafo'ou

¹⁰ Pea iange 'e Ia, “Kua tuku mai kiā kōtou ke kotou 'ilo'i 'ia te 'ū misiteli 'o te Pule'anga 'o te 'Atuá; kā 'oku fai fakatātā pē ia ki tono toe 'o te kakaí; kote'uhí ke notou sio, kae kailoa tokanga, pea fanongo, kae kailoa mahino.

Luke 8:10 ပူးပေါင်းရင်းမြစ်များ

Mātiu 11:25

Pea lea 'e Sīsū 'i te 'aho ko iá, 'o pehē, “'Okou fakafeta'i atu kiā Koe, 'e Tamai, ko te 'Aliki 'o hēvani mo māmaní, 'i Tau fufū 'ia te 'ū me'a peheé mei te kakai 'oku poto mo 'ilo'iló, kā Ke tatala ia ki te fanga ki'i tamaliki.

Mātiu 16:17

Pea tali 'e Sīsū, 'o pehē kiā ia, “'Oku manū'ia mo'oni 'ia koe, 'e Saimone Pāsiona, he 'oku kailoa ko te kakano mo te toto ne'e fakahaa'i kiā koé, kā ko Taku Tamai 'oku 'i hēvaní.

Ma'ake 4:11

Pea pehē ange Ia, “Kua tuku kiā kōtou 'ia te misiteli 'o te Pule'anga 'o te 'Atuá; kā 'oku fai fakatātā kotoa pē kiā nātou 'oku 'i tua'aá,

Ma'ake 4:12

kote'uhí ‘ke notou sio mo'oni, kae kailoa 'ilo'i; pea fanongo mo'oni, kae kailoa ongo'i; na'a faifaí pea notou tafoki, pea fakamolemole'i ai 'ia nātou.’ ”

Sione 12:40

“Kua Ina fakakuihi te notou matá, pea fakafefeka'i te notou lotó; kote'uhí ke 'aua na'a notou sio 'aki te notou matá, pea 'ilo'i 'aki te notou lotó, pea notou tafoki mai, kae Au fakama'uli 'ia nātou.”

Loma 16:25

Pea ko Tana 'Afió, 'ia Ia 'oku mafai ke poupou 'ia kōtou 'o taau mo taku ongoongoleleí, mo taku malanga 'aki 'ia Sīsū Kalaisí; 'o fakatatau mo te fakahaa'i mai 'o te misiteli, 'a ia ne'e tuku fufuu'i talu mei te kamata'anga 'o māmaní,

1 Kolinitō 12:11

Kā ko te 'ū me'a kotoa pē ko iá, ko te ngāue 'a te Laumālie pē 'e taha ko iá, 'i Tana tufa kehekehe ki te kakai taki taha, 'o fakatatau ki Tono finangaló.

Kolose 2:2

'i taku feinga ke fiamālie te kotou lotó, kua fehokotaki 'i te 'ofá, pea kote'uhí ke kotou 'osiki 'ia te fu'u koloa ko iá, ko te 'ilo fakapapau mo te 'ilo kānokano, 'io, 'ia te 'ilo faka'āufuli ki te misiteli faka-'Atuá, 'a ia ko Kalaisi,

1 Tīmote 3:16

'Io, ko te mo'oni 'aupito, ko te me'a lahi 'ia te misiteli 'o te lotú: Ko te Toko Taha ne'e fakahā 'i te kakanó, ne'e fakahaa'i 'e te Laumālié, ne'e mātā 'e te kau 'āngelo, ne'e malanga 'aki ki te Senitailé, ne'e tui ki Ai 'i māmani, ne'e 'avake 'o 'afio 'i te lāngilangi.