Luke 7:41 - Te Fuakava Fo'ou 'i te Lea faka-Niuafo'ou

⁴¹ “Ne'e 'i ai he ongo tangata ne'e nā ma'ua ki te matāpule tali-nō-pa'anga: ko te ma'ua 'o te taha ko te tēnali 'e nimangeau, ko te taha ko te tēnali 'e nimangofulu.

Luke 7:41 ပူးပေါင်းရင်းမြစ်များ

Mātiu 18:28

Kā 'i te 'alu atu te tamaio'aliki ko iá, ne ina 'ilo'i atu he toko taha 'o tana kaungā tamaio'alikí, ne'e ma'ua kiā ia ko te tēnali 'e teau. Pea puke'i 'e ia 'ona 'o sisina tono kiá, mo iange, ‘Totongi mai leva tou ma'uá!’

Mātiu 6:12

Pea fakamolemole'i te motou 'ū angahalá; hangē ko te motou fakamolemole'i 'ia nātou ne fai angahala mai kiā mātoú.

Ma'ake 6:37

Ka ne'e tali ange 'e Ia 'o pehē, “'Avange 'e kōtou he notou me'akai.” Pea notou pehē ki Ai, “Ke motou ō koā, 'o fakatau he mā tēnali 'e uangeau, 'o 'avange ke notou kai?”

Luke 11:4

Pea fakamolemole'i te motou 'ū angahalá, he ko mātoú foki 'oku motou fakamolemole'i 'ia nātou fuli pē 'oku ma'ua maí. Pea 'aua na'a fakahū 'ia mātou ki te 'ahi'ahí.’ ”

Luke 12:48

Kā ko ia ne kailoa ina 'ilo'i ki ai, kae fai pē te 'ū me'a 'oku taau mo he tauteá, 'e si'isi'i pē te fe'i tā 'e 'aí. Pea ko ia kua 'avange ki ai he me'a lahí, 'e fia ma'u mei ai he me'a lahi; pehē foki, kā tukuange 'e te kakaí he fu'u me'a ki he taha ke tauhi, pea hulu atu mo te me'a 'e 'eke kiā iá.”

Luke 13:4

Pea ko te toko hongofulu mā valu ko ia ne'e ta'omia 'o mate 'i te holo te taua 'i Sailoamé, 'oku kotou mahalo koā ne'e lahi ange te notou ma'uá 'i te kakai kotoa pē ne'e nofo 'i Selusalemá?

Luke 7:40

Pea tali 'e Sīsū 'o iange kiā ia, “'E Saimone, 'oku 'i ai Taku lea ke fai atu.” Pea iange ia, “Fai pē, Tangata'aliki.”

Luke 7:47

Ko ia ai 'Okou tala'i atu, ko ta'aná angahala ne'e hulu atu, pea kua fakamolemole'i, he vakai kua lahi tana 'ofá. Kā ko ia 'oku si'isi'i te fakamolemolé ki aí pea si'isi'i leva ta'aná 'ofa.”

Loma 3:23

he kua fai angahala kotoa pē, pea 'oku kailoa notou a'usia 'ia te hōifua 'a te 'Atuá,

Loma 5:20

Pea ko 'eni, ne'e hū ange 'ia te Laó, kote'uhí ke lahi 'ia te faihalá; kā ko tana lahi leva 'ia te angahalá, pea hulu atu noa pē 'ia te kelesí.