Luke 7:38 - Te Fuakava Fo'ou 'i te Lea faka-Niuafo'ou

³⁸ 'o tu'u mei Tono tu'á ofi ki Tono va'é, 'o tangi; pea kamata fufulu 'e ia Tono va'é 'aki tono lo'imatá, mo holoholo'i 'aki tono lau'i'ulú, mo toutou 'uma ki Tono va'é, mo tākai 'aki ia 'ia te loló.

Luke 7:38 ပူးပေါင်းရင်းမြစ်များ

Mātiu 5:4

'Oku manū'ia 'ia nātou 'oku mamahí, he 'e notou ma'u 'ia te fiamālié.

Luke 22:62

Pea 'alu atu ia ki tua'ā, 'o tangi mamahi.

Luke 6:21

'Oku manū'ia 'ia kōtou 'oku fiakaia ko 'ení, he 'e fakamākona 'ia kōtou. 'Oku manū'ia 'ia kōtou 'oku tangi ko 'ení, he 'e kotou kata.

Luke 7:37

Pea vakai, ko he fafine fai angahala 'i te koló, 'i tana 'ilo'i pau 'oku kainanga 'e Sīsū 'i te fale 'o te Fālesí, ne ina ha'u mo he hina 'alapasita ne'e fonu 'i te lolo tākai;

Luke 7:39

Pea 'i te vakai leva ki ai 'e te Fālesi 'a ē ne'e fakaafe'i 'Oná, ne'e pehē 'e ia 'i tono lotó, “Kāpau ko he palōfita 'eni, pehē kua 'ilo'i 'e Ia 'ia te fafine ko 'eni 'oku ala ange kiā Iá, mo tono angá; he ko te angahala ia.”

Sione 11:2

(Pea ko te Mele ko iá ne ina tākai 'ia te 'Alikí 'aki te lolo, mo holoholo'i Tono va'é 'aki tono lau'i'ulú, pea kua puke tono tu'anga'ané ko Lāsalosi.)

Sēmisi 4:9

Kotou fakamamahi, mo to'e, mo tangi; ke liliu te kotou katá ko te to'e, mo te kotou fiafiá ko te mamahi.