Luke 7:29 - Te Fuakava Fo'ou 'i te Lea faka-Niuafo'ou

²⁹ Pea ko te kau 'Isileli kotoa pē ne'e notou fanongo ki aí, pea mo te kau tānaki tukuhaú, ne'e notou fakahaa'i te anga-tonu 'a te 'Atuá, 'aki te notou papitaiso 'i te papitaiso 'a Sioné.

Luke 7:29 ပူးပေါင်းရင်းမြစ်များ

Mātiu 5:46

He kāpau 'e kotou 'ofa'i 'ia natou pē 'oku 'ofa maí, ko te ā he totongi 'e kotou ma'u? 'Oku kala koā fai pehē mo te kau tānaki tukuhaú?

Luke 20:6

Pea kāpau 'e tou pehē, ‘Mei te tangatá,’ 'e tolongi tātou 'e te kakaí fuli pē; he 'oku notou tui 'aupito ko Sioné ko he palōfita.”

Luke 3:12

Pea ha'u foki he kau tānaki tukuhau ke papitaiso, 'o notou 'eke ange kiā ia, “Tangata'aliki, ko te ā 'a mātou 'e motou faí?”

Luke 7:28

'Okou tala'i atu 'eni, ko te kakai kotoa pē kua fanau'i mei te fafiné, 'oku kala he taha ia 'oku lahi 'iā Sione; kā neongo pe ko ai 'oku mā'ulalo taha 'i te Pule'anga 'o te 'Atuá, 'oku lahi Ia 'iā Sione.”

Luke 7:35

Kā ne fakatonuhia'i 'ia Poto 'e te fānau kotoa pē 'A'aná.”

Ngāue 18:25

Pea kua akonakina 'ia te tangata nei ki te 'alunga 'o te 'Alikí, pea ko te toko taha loto māfana 'aupito; ko ia ne'e lea 'aki 'e ia mo ako totonu 'aki 'ia te 'ū me'a ne'e kau kiā Sīsuú, neongo ko te papitaiso pē 'a Sioné ne'e 'ilo 'e ia ki aí.

Ngāue 19:3

Pea iange 'e ia kiā nātou, “Ka ne'e kotou papitaisó ki te ā?” Pea notou iange, “Ki te papitaiso 'a Sioné.”

Loma 10:3

He ko te me'a 'i te kailoa he notou 'ilo'i ki te mā'oni'oni 'oku mei te 'Atuá, kae notou feinga pē ke tu'u te mā'oni'oni 'a nātoú, ko ia ai ne'e kailoa notou fakavaivai ki te mā'oni'oni 'oku mei te 'Atuá.

Fakahā 15:3

Pea ne'e notou hiva 'ia te hiva 'a Mōsese ko te tamaio'aliki 'a te 'Atuá, pea mo te hiva 'a te Lamí, pea notou pehē, “'Oku lahi mo fakaofo Tau ngāué, 'ia te 'Aliki ko te 'Atua Aoniu; 'oku totonu mo mo'oni Tou 'ū 'alungá.

Fakahā 16:5

Pea ne au fanongo ki te 'āngelo 'oku 'a'ana 'ia te 'ū vaí, 'oku pehē 'e ia, “'Oku anga-tonu 'ia te 'Afioná ko te Toko Taha mā'oni'oní, 'oku Ke 'i ai, pea ne Ke 'i ai, kote'uhí ko Ta'aú fakamaau pehē.