Luke 24:4 - Te Fuakava Fo'ou 'i te Lea faka-Niuafo'ou

⁴ Pea 'i te lolotonga te notou puputu'u 'i te me'a ko iá, tā ne'e tu'u mai kiā nātou he ongo tangata ne'e huhulu te nā kofú.

Luke 24:4 ပူးပေါင်းရင်းမြစ်များ

Ma'ake 16:5

Pea 'i te notou uulu ki te fanualotó, ne'e notou mamata he talavou 'oku nofo 'i te 'āfaki mata'ú, 'oku kofu 'aki he kofu hinahina mo tōtōlofa; pea ne'e notou fu'u 'oho.

Luke 2:9

Pea fokifā pē kua tu'u mai kiā nātou he 'āngelo 'a te 'Alikí, pea malama mai te Sikaina 'o te 'Alikí 'o huhulu 'ia nātou; pea ne'e notou manahē 'aupito.

Luke 24:5

Pea 'i te notou manahē fu'ú, mo fo'oifo ki te kelekelé, ne nā pehē ange kiā nātou, “Ko te ā 'oku kotou kumi ai 'ia Ia 'oku ma'ulí ki te kau pekiá?

Ngāue 1:10

Pea 'i te notou kei sio fakamama'u ki te langí, 'i te lolotonga Tana 'alu aké, fokifā pē kua tutu'u mai kiā nātou he ongo tangata kofu hinahina.

Ngāue 12:7

Mo te 'ohovale pē kua tu'u mai he 'āngelo 'a te 'Alikí, pea tapa takatakai he fu'u maama 'i te lokí; pea taa'i 'e ia te vakavaka 'o Pitá, 'o langa'i ake, mo iange, “Tu'u ke vave.” Pea ne'e ngangana mei tono ongo nimá te ongo seini ne'e ha'i 'aki 'oná.

1 Tīmote 3:16

'Io, ko te mo'oni 'aupito, ko te me'a lahi 'ia te misiteli 'o te lotú: Ko te Toko Taha ne'e fakahā 'i te kakanó, ne'e fakahaa'i 'e te Laumālié, ne'e mātā 'e te kau 'āngelo, ne'e malanga 'aki ki te Senitailé, ne'e tui ki Ai 'i māmani, ne'e 'avake 'o 'afio 'i te lāngilangi.