Luke 1:76 - Te Fuakava Fo'ou 'i te Lea faka-Niuafo'ou

⁷⁶ Pea ko koe, tamasi'i, 'e lau ko te palōfita 'o te 'Aliki Taupotú, he 'e ke fakamelomelo kiā Ia ke teuteu'i Tono 'ū alá,

Luke 1:76 ပူးပေါင်းရင်းမြစ်များ

Mātiu 14:5

Pea neongo tana loto ke tāmate'i iá, ka ne'e manahē ia ki te kakaí, he ne'e notou lau ko te palōfita ia.

Mātiu 21:26

Pea kāpau 'e tou pehē, ‘Mei te tangatá,’ kae talia te kakaí; he 'oku notou lau kotoa pē ko te palōfita 'ia Sione.”

Mātiu 3:11

Ko aú 'okou papitaiso vai 'ia kōtou ki te fakatomalá, kā ko Ia 'oku mulimuli maí 'oku mālohi Ia 'iā au, pea 'oku kailoa kita taau ke to'o Tono senitoló; 'e papitaiso 'e Ia 'ia kōtou 'aki te Laumālie Mā'oni'oní mo te afi.

Mātiu 3:3

He ko 'eni ia ne'e lea ki ai 'e te palōfita ko 'Aiseá, 'o pehē, “Ko te le'o 'o he toko taha 'oku kalanga 'i te toafá, ‘Kotou teuteu te hā'ele'anga 'o te 'Alikí; fakatonutonu Tono 'ū alá.’ ”

Ma'ake 11:32

Kāpau 'e tou pehē, ‘Mei te tangatá’ …” Ka ne'e notou manahē ki te kakai Siú, he ne'e lau kotoa pē 'e nātou, ko Sioné ko te palōfita mo'oni.

Luke 1:32

Pea 'e lahi Ia; pea 'e lau Ia ko te 'Alo 'o te 'Aliki Taupotú; pea 'e foaki kiā Ia 'e te 'Aliki ko te 'Atuá 'ia te taloni 'o Tana kui ko Tēvitá;

Luke 1:35

Pea iange 'e te 'āngeló kiā ia, 'o pehē, “'E hoko mai 'ia te Laumālie Mā'oni'oní kiā koe, pea 'e fakamalumalu 'ou 'e te māfimafi 'o te 'Aliki Taupotú; pea ko ia ai 'e ui te hako tapu 'e ke fā'ele'í, ko te 'Alo 'o te 'Atuá.

Luke 6:35

Kae kotou 'ofa'i te kotou 'ū filí, pea kotou failelei mo tali nō, neongo pē 'oku kala kotou 'amanaki 'e toe ma'u mai he me'a; pea 'e lahi leva te kotou totongí, pea 'e kotou hoko ko te 'ū foha 'o te 'Aliki Taupotú; hē 'oku anga-lelei Ia ki te ta'ehoungá mo te faikoví.

Sione 1:23

Pea iange leva 'e ia, “Ko au 'ia te le'o 'o he toko taha 'oku kalanga 'i te toafá: ‘Fakatonutonu te hā'ele'anga 'o te 'Alikí,’ hangē ko te lea 'a te palōfita ko 'Aiseá.”

Sione 1:27

ko Ia ia 'oku mulimuli maí, kā 'oku lahi Ia 'iā au, pea ko te nono'o Tono senitoló 'oku kailoa taau 'ia kita ke vete ange.”

Sione 3:28

Ko kōtoú foki 'oku kotou fakamo'oni ki taku lea ne'e pehē, ‘'Oku kailoa ko au ia 'ia te Kalaisí, kā kua fekau'i mai 'okú ke au mu'amu'a mai 'iā Ia.’

Ngāue 16:17

Pea ne'e fa'a mulimuli te fafine ko iá kiā Paula mo mātou, pea fa'a kaikaila ia 'o pehē, “Ko te kau siana nei ko te kau tamaio'aliki 'a te 'Atua Taupotú, pea 'oku notou fakahaa'i kiā kōtou 'ia te ala ki te fakama'ulí.”