Luke 1:74 - Te Fuakava Fo'ou 'i te Lea faka-Niuafo'ou

⁷⁴ ke tuku mai 'e Ia kiā tātou, ke tou fai ta'emanahē te tou ngāue ki te 'Alikí, he kua hamusi tātou mei te tou 'ū filí,

Luke 1:74 ပူးပေါင်းရင်းမြစ်များ

Luke 1:71

ko te fakahaofi mei te tou 'ū filí, mo te nima 'o te kakai 'oku fihi'a maí;

Luke 1:73

'ia te fuakava ne'e fuakava 'aki 'e Ia ki te tou tamai ko 'Ēpalahamé,

Luke 1:75

'o tou fakafeangai kiā Ia 'aki te mā'oni'oni mo te failelei 'i te 'ū 'aho kotoa pē 'o te tou ma'ulí.

Loma 6:22

Kā ko 'eni, 'i tono fakatau'atāina'i 'ia kōtou mei te angahalá, kae fakapōpula'i ki te 'Atuá, 'oku 'i ai he kotou fua, ko te fua 'oku iku ki te mā'oni'oní, pea ko tono iku'angá ko te ma'uli ta'engata.

Loma 8:15

He tala'i'eaí ne kotou ma'u he Laumālie anga pōpula, ke kotou toe foki ai ki te manaheé; ka ne'e kotou ma'u te Laumālie 'o te ohí; pea 'i te tou 'iā Iá 'oku tou kalanga, “'Apā, Tamai.”

2 Tīmote 1:7

He ko te Laumālie ne'e foaki 'e te 'Atuá kiā tāuá, ne'e kala ko te Laumālie anga fo'i, kā ko te anga-mālohi mo te 'ofa, mo te loto fakama'uma'u.

Hepelū 2:15

pea ke Ina fakatau'atāina'i 'ia te fa'ahinga kotoa pē kua notou ma'uli 'aki te nofo pōpulá, 'i te notou manahē ki te maté.

Hepelū 9:14

huanoa te ta'ata'a 'o Kalaisí, 'a ia ne Ina 'avatu ta'e Hana mele ki te 'Atuá, fai 'e te laumālie laui 'ītāniti — huanoa tono fakama'a 'e te ta'ata'a ko iá te tou konisēnisí mei te 'ū ngāue maté, ke tou tauhi te 'Atua ma'ulí.

Fakahā 2:10

'Aua ke manahē ki te 'ū mamahi 'oku ene ke hoko kiā koé. Ko 'eni, 'oku teu sī 'e te tēvoló 'ia te kotou 'ihi ki te pilīsoné, ko te 'ahi'ahi'i 'o kōtou; pea 'e kotou ma'ua 'i te mamahí 'o 'aho hongofulu. Kā ke fai anga-tonu pē 'o a'u ki te mate, pea 'e Au 'avatu kiā koe te kalauni 'o te ma'ulí.