Luke 1:51 - Te Fuakava Fo'ou 'i te Lea faka-Niuafo'ou

⁵¹ Kua fai kaukaua 'aki Tono nimá; kua veteki Ia 'ia te ha'a 'afungí 'i te laukau te notou lotó.

Luke 1:51 ပူးပေါင်းရင်းမြစ်များ

Loma 1:21

Kote'uhí neongo ne'e notou 'ilo ki te 'Atuá, kā ne'e kailoa notou fakahīkihiki'i 'Ona, pe fakafeta'ina, 'o ngali ko te 'Atua; kaikehe ne'e taka launoa 'ia te notou 'ū fakakaukaú; pea fakapō'uli te notou loto ta'e'iló.

2 Kolinitō 10:5

'o motou holoki 'aki 'ia te 'ū fakakaukau, mo te mā'olunga kotoa pē 'oku fokotu'u ke ta'ofi 'ia te 'ilo ki te 'Atuá; pea motou taki pōpula 'ia te fakakaukau kotoa pē 'o te lotó ke fakavaivai kiā Kalaisi;

1 Pita 5:5

Pehē foki mo kōtou 'ia te kau talavoú, kotou anganofo ki te kau mātu'á. 'Io, kotou no'o kotoa pē 'aki te fefakavaivai'aki, he “'Oku taliteke'i 'e te 'Atuá 'ia te 'afungí, kā 'oku Ina foaki kelesi ki te anga-vaivaí.”

Fakahā 18:8

Ko ia ai 'e hoko mai tono 'ū tauteá 'i te 'aho pē taha, 'ia te mate mo te mamahi mo te honge; pea 'e tutu 'ona 'i te afí. He 'oku mālohi 'ia te 'Aliki ko te 'Atuá 'a ē kua Ina fakamāu'i 'oná.”