Yohana 16:20 - Ungbamvu Ku Abachi Azhi Ahe̲he̲ Ka

²⁰ Ingga da ki imba ure ujiji mu di, imba ta yi ni vri isisurr, abi ingbingbru ba ta me̱ nyarr. Imba ta vri isisurr, i ivri isisurr imba yi taka kaki inyarr.

Yohana 16:20 ပူးပေါင်းရင်းမြစ်များ

Matiyu 21:38

“Nggo abi do ba a hi uzuma wa, na re ni ikpa di, ‘Uwanggo yo su uzuma wa nggo aki wa taka ttu na ka ila yi du ku nggo. Imba nga di inta ni ngu ma, ni gri ila yi!’

Matiyu 5:4

Abangga ba nggo a so ba azhittu, Abachi à yo ba angu azizi. Abachi taka nu ba isu isisurr!

Marrku 14:72

Ni inkpu ima yi, agba wa tu inkpu iha yi. Biturr ssu hi nu nggo Yesu da ku di, “Agba wa taka nise tu ki inkpu iha, uwa ka kisa ni ingga ku ki inkpu itarr ba.” Biturr gru ko yi kpokpo.

Marrku 16:10

Maryamu nggo zhi nu Magadala, kuma na ko ku da ba abangga ba nggo di ga ma. Aba so ri amarr na so yi.

Luka 22:45

Nggo Yesu gru zhi nu unto ku ibarr ku, na kakuma na abiga ma ba ba, na ku hi ba a ka di ba na so kurr ina. Isisurr imbarr yi i se ni ivri.

Luka 22:62

I Biturr gru huzzu ku kri na abi na so yi kakami.

Luka 23:27

Akpukpa anishirr di ga ma. Amba banu se nu umi umbarr ku na a so yì ku Yesu.

Luka 24:17

Yesu zhi ba di, “Imba zirr ni ko re da angginggi ga anko?” Aba kukri ngbangbami, ni ivri na ashishi ambarr ka.

Luka 24:21

Inta ko yo isisurr du uwa yo taka ni kpa Israila ttungo! Ari su utarr mu nggo a na inkindirr ima yi.

Luka 6:21

Abachi à yo ki imba angu ka iwre, imba bi ki iyo zizami; imba taka shi! Abachi à yo ki imba angu ka iwre, imba abi yi zizami; imba taka me̱!

Yohana 16:33

“Ingga bre ki imba are angga ka, wre ku imba bu se ni isu isisurr nu nggo imba i nggurr bi ki uyirr ni ingga ku. Imba ta ni se ni ingbingbru inggi imba ta ki iha, meme mi imba bi vu isisurr, kye ingga ka mri ingbingbru yi ba!”

Yohana 16:6

Ingga hi di isisurr imba yi i vri nggo ingga bre ki imba are ka angga ka.

Yohana 20:20

Nggo à da meme nggo na tsarr ba inkpa ango ima yi, nu usa ku, abiga ma ba a nyarr kakami nggo aba hi Atiko wa nggo.

Indu 5:41

Abi ko na angu ba a ka share na Akaba anu Yahuda wa na so nyarr kakami di Abachi à kye aba ma abi ki iha ku isa i Yesu.

Roma 5:11

Uwanggo a si si ima yo mre hen. Inyarr imunta yi i si ni inkindirr yi nggo Abachi a du Atiko amunta wa Yesu Kristi à nga ni na inta ki akpikpa ba Abachi.

2 Korrintiya 6:10

Iha mi ti ki inta, inta so di nyarr. Ka nu nggo inta sama ni inkindirr, inta na anishirr shishemi ki abu ungo. Ka nu nggo inta sama ni inkindirr, aseki ka we sa amunta.

Galatiya 5:22

Unushirr ti se ni Izhi i Abachi yi, i ta du undurr wa à kpanye na anishirr, na ta se ni inyarr, isu isisurr, ivu isisurr, izi abanu, na su unushirr uzizi, a di kri karrkarr ni ikpanye ima yi,

1 Tesalonika 1:6

Imba i ga aza amunta ka yo tuku ka Atiko ka. Ni iha imba yi mi, Izhi Iwre yi i di imba kpa ure ku Abachi ku ni inyarr.

Yakubu 1:2

Amuya, nggo a ti tsarr imba kye na anko ka na nkanka, imba bu nyarr.

Yahudi 1:24

Ziza nggo imba bu gbyarr ku Abachi asa. Uwa yo ka kpa inta ttungo na si di inta jaku ni ila ure hen. Uwa yo ka gri ùwà nga ni inkpinkpye ima yi ni nyarr sama ni ila ure.

Ibwu Tsarr 11:10

Anishirr bi ingbingbru ba ta nyarr ni ittu i anishirr aha angga ba. A ta bri, na ga ku ikpa aseki ku ikɨ i abi kpa are aha angga ba nggo a du anishirr ba ki iha nggo.

Ibwu Tsarr 18:7

À nu itu ima inkpinkpye na rri so ni ishi. Ziza nggo, imba nu ma iha yi nggo i ma ku ni nu ma uje kakami. Nu nggo à di da ku itu ima di, ‘Ingga gri abubo nâ ta si ayamba a uttu. Ingga si si ayamba na ako hen. Ingga si ta hi ivri isisurr hen.’