Yahudi 1:4 - Ungbamvu Ku Abachi Azhi Ahe̲he̲ Ka

⁴ Anishirr abanu nggo a si hi Abachi hen, a do na yi rri ni inta ba, undurr a si hi ba hen. A nga ni ka ure ku Abachi ku kasarr na ka uzizi ku Abachi ku ki anko a na aseki andanda ka kurr ni ikpambarr. Na si kpanye di Yesu Kristi yo su Uttu tuku Atiko amunta wa na nkpama hen. A charr ngbangbamu na angbamvu ka Abachi ka di, Abachi à taka ku ki anishirr abama iha.

Yahudi 1:4 ပူးပေါင်းရင်းမြစ်များ

Matiyu 13:25

Ni ibittu, nggo anishirr rri ni kurr, uni karr ma à gri ibibi uwri ndanda ku hi ku nu umi ku kiri ku, na kuma nado.

Yohana 17:3

Iso sese inggi su a bu hi ùwà, du ùwà yo sa Abachi ujiji na nkpami, na bu hi Yesu Kristi nggo ùwà tu.

Indu 11:23

Nggo uwa mi à nga ni hi inkindirr yi nggo Abachi nu uzizi umaku à na yi na nyarr na nggurr ba di a bu kri ngbangba ni iga yi ni isisurr iyirr.

Indu 15:24

Inta wo di abanu munta ba a nga ni imba ba, ni ko bre ki imba are ka nggo gri ki imba uvi tuku iso ndanda. Inta ngga si tu ba meme hen.

Galatiya 2:4

Anishirr abanu nggo a na da aba a si abiga na gru kri kyekye di a bu yo ku Titu iji meme. Anishirr abama a do na yi rri ni inta ba wre ba bu ni kye nggo inggurr bi imunta yi ni Yesu Kristi ku i ni inta anko a na inkindirr yi nggo wre ki inta nggo. A zha da aba a ka na inta ki agarr ku are ka ani Yahuda ka.

Galatiya 5:13

A ta si imba nanko amuya, a yo imba ssuzzu ni igarr, meme nggo imba si du issuzzu ni igarr imba yi i gri imba kuma ni na inkindirr yi nggo inina ikpa imba mu zha hen. Si na meme hen, kpanye ni ikpa ni di zi ikpambirr.

Afisa 4:14

Meme nggo, inta ta si se nâ ta si amumarr atsitsa zizo hen. Meme nggo abi re anishirr na are ka imu a si ta re inta na du inta ga itsarr indanda yi zizo hen. Ni si ta se nâ ta si uddu ku nggo unddunddu na ankinkirr ka amasirr a di go ku kago hen.

1 Timoti 5:8

Undurr wa nggo a si ssu amla ma tuku amirr iko ama ba a gri zizi hen, undurr uwama a kà iga ima yi a ta yo namri. Undurr wanggo nggo à so na meme à ka ka ugo anu iga yi ba, na si undanda mri uwanggo nggo à si kpanye na Abachi ku mremremu hen.

2 Timoti 2:12

Inta ti vu gri ni so ki iha, inta taka si atuttu na ku meme. Inta ti kisa di inta si hi ma hen, uwa mi à taka kisa du uwa à si hi inta hen.

2 Timoti 3:6

Abanu ambarr ba di rri na ako a amba abangga ba nggo si di ri amarr ta anko hen, na re ba surr ni ina undanda. Ila ure imbarr yi i de ba zu. Izharr aseki imbarr yi i ttu ba ashishi.

1 Biturr 2:16

Nu nggo imba si sa agarr hen, imba bu si ba ima ki anko wa nggo imba i ta na undanda hen. So yi nâ ta si amirr iko ba Abachi.

1 Biturr 2:8

Ungbamvu ku Abachi ku u da ni inkla inuma zizo di: “Uwanggo yo a si ingbinta yi nggo i ta du anishirr a bwu uza na yi, ingbinta yi nggo i ta du anishirr kuhre.” A kà na si kpanye nu ure ku Abachi ku hen, ima yo i du ba bwu aza. Wanggo yo si inkindirr yi nggo Abachi à da di i ta la na anishirr abama ba nggo.

1 Biturr 4:18

A charr nu ungbamvu ku Abachi ku di: “A ta si inkindirr i tsɨ kakami aba kpa unushirr uzizi ttungo, aba a ta na kingginggi na abi la ure na abanu ba nggo a si kru isisu i Abachi nggo hen?”

2 Biturr 2:10

Itsutsarr ima yi i ta si kakami ku anishirr ba nggo a so di na umimi nggo ukpa umbarr ku ila ure ku u zha na na zzu di Atiko à si se hen. Abitsarr are ka imu abama a gɨ atu, na ga angba na di re kyekye mi na di na aseki ka nggo a zha i na. A si di kru isisu i ire are andanda ni itu i ankpinkpye bu unkplassu ba hen.

2 Biturr 2:7

Abachi à ttu Lotu ssuzzu. Uwa yo à si unushirr uzizi nggo isisurr i vri ma na aseki ka ishisha ka nggo abi kà iwo ba a di na nggo.

2 Biturr 3:7

Uwa su ure ku Abachi uyiyirr ukuma yo u zu unkplassu ku tuku ingbingbru i ziza nggo yi bi itu nu uru. Nggo azhibarr ibre amu ama a ti nga, aba ta ka unkplassu tuku imimi yi glo. Abangga ba nggo a si si aba Abachi hen a ta ngɨ ba.

1 Yohana 2:22

Unggonggo su uni imu wa? Uni imu uwanggo à su undurr wa nggo à kisa di Yesu yo à si si Kristi wa hen. Undurr wa nggo à ti da meme uwa yo à si uni karr Kristi wa, na kà Aki wa ndo nu Uzuma wa.

Yahudi 1:15

A ta ni bre ku anishirr bi ingbingbru ba wemi amu. A taka ni du abangga ba nggo a kà Abachi nggo a ki iha ku umimi ku nggo a na ku Abachi nggo. Na taka ni ki abi la ure ba iha ku umimi ku nggo a re ni itu i Abachi yi nggo.”

Yahudi 1:18

A ddu imba da di, “Ni ivi ikikre yi, anishirr a taka nga ni di me̱ imba. Anishirr abangga ba nggo a so di na aseki ka nggo umimi isisurr imbarr inggi ida ba.”

Ibwu Tsarr 15:4

Atiko, unggonggo ka si kru isisu imuwa hen? Unggonggo à si ta gbyarr asa ku inkpinkpye imuwa yi hen? Ùwà yo na nkpami i su uni wre. Atuttu abi ingbingbru ba we a ta nga ni kuttu na gbyarr asa na age̱ muwa. Nu nggo anishirr ba wemi a gru hi ba du ùwà di na ku anishirr narrnarr.”