Matiyu 26:64 - Ungbamvu Ku Abachi Azhi Ahe̲he̲ Ka

⁶⁴ I Yesu à ddu ma di, “Nâ ta si nggo ùwà da. Ingga so da ki imba we, bazhi ziza kuma ni ichi, imba ta hi Uvuvurr a Unushirr ni so nu ungo ri ku Abachi ukyekye wa, ni ta hi ma so nga zhi na akpa ka unkplassu ka!”

Matiyu 26:64 ပူးပေါင်းရင်းမြစ်များ

Matiyu 16:27

Kye, ingga Uvuvurr a Unushirr i ki ywhiywhirr i nga ni inkpinkpye i Aki ama yi, na abitu ama ba, ni ta ni nu anishirr we azadi ambarr ka.

Matiyu 16:28

Ingga ko da ki imba jiji mu di abanu nggo kri ni inggya a taka hi Uvuvurr a Unushirr ni nga ni ittu ima yi bari na ka kɨ.”

Matiyu 22:44

“ ‘Atiko wa ddu Atiko amungga wa di: “Ji so nu ungo ri umungga, di ingga ka abi karr ùwà ba surr ni imimi du ùwà vu aza sa na ba bari.’ ”

Matiyu 24:30

“Ni ivi ima yi a taka hi inkindirr yi nggo tsarr inga i Uvuvurr a Unushirr yi na akpa. Anishirr bi ingbingbru ba wemi a taka yì, nggo a taka hi Uvuvurr a Unushirr ni ko nga na akpa ka unkplassu ka nu ukyekye tuku inkpinkpye ima yi.

Matiyu 25:31

“Nggo Uvuvurr a Unushirr taka nga nu ukyekye ku Ittu umaku na abitu ba Abachi ba we na ku, uwa taka so ni imburr ittu ni inkpinkpye ima yi.

Matiyu 26:25

Judasi wanggo nggo à ta ba Yesu à re ba, à gru zhi meme di, “Unitsarr, ùwà si so da di ingga hen?” I Yesu ddu ma di, “Nâ ta si nggo uwa da ki itu muwa.”

Matiyu 27:11

Nggo a gri Yesu na nga na age̱ ka ugona wa, uwa zhi Yesu di, “Uwa yo su uttu a anu Yahuda wa?” Yesu kpanye ku di, “Nâ ta si nggo ùwà da.”

Matiyu 28:18

Yesu chi kuma na ba na ddu ba di, “A ni ingga ukyekye we nu unkplassu tuku ni imimi.

Matiyu 8:20

Yesu à ddu ma di, “Anihon a se na ahon, aminche a se ni ako, ingga Uvuvurr a Unushirr i sama nu unto ku ji kurr ni sa itu.”

Marrku 14:62

Yesu ddu ba di, “Yo-o, a si ingga yo! Imba ta hi ingga Uvuvurr a Unushirr nggo ingga ta so nu ungo ri ku Unukyekye wa, ni ta nga na akpa ka unkplassu ka.”

Luka 21:27

Aseki ndanda angga ka a ti kre nggo, mre anishirr kago a ta hi ingga Uvuvurr a Unushirr so rɨ huzzu, ji zhi na akpa nu ukyekye ni inkpinkpye.

Luka 22:69

Bazhi zizami kuma ni ichi, ingga Uvuvurr a Unushirr ta so nu ungo ri ku Abachi nggo su Unukyekye we.”

Luka 22:70

Aba zhi ma di, “Ùwà yo su Uvuvurr a Abachi wa?” Uwa ddu ba di, “Imba da meme yo di ingga su Uvuvurr a Abachi.”

Yohana 18:37

U Bilatu à ka sa di, “Nggi ùwà su uttu mu?” I Yesu à ka sa ku di, “Ùwà mu di ingga su uttu. Ima yo du ba ngri ingga ni ingbingbru yi, di ingga bu ni da ku anishirr ure ujiji. Undurr wa nggo ti kpanye nu ure ujiji ku uwa yo di shirr atu ku ure mungga ku.”

Indu 1:11

di, “Anu Galili, imba kri so kye angginggi hun kuma nu ussu. Yesu uyirr yirr wanggo a ba ma glo ni imba ba hun kuma nu unkplassu, a taka ka nga meme yo nâ ta si nggo imba i hi ma so hun kuma nu unkplassu nggo.”

Roma 14:10

Uwa a si angginggi du imba abanu i da ku amuya amba abiga da a na ndanda, angginggi i du amba abanu ba a kpa amuya amba abiga ba chirr? Inta wemi taka kri na age̱ ka Abachi uwa a ta da ki inta undanda nu uzizi umunta ku.

1 Tesalonika 4:16

Atiko wa ni itu ima à taka ji zhi nu unkplassu, nu ukorr unkpi, ku ankpye a abitu wa, ni ivirr ingba a Abachi wa. Abi kɨ ba, nggo a kpanye ni Kristi ku, aba yo taka sa abi ime̱me̱ ba nggo a taka tasi.

Ibraniya 1:3

A di hi inkpinkpye i Abachi yi nu Uzuma uwa yo ku. Uwa yo à di du inta i hi di Abachi à si ki ngginggi. Uwa yo so gri aseki ka we nu ukyekye ku ure umaku. Nggo Uzuma wa ngla ila ure yi glo ku anishirr na ku ji so nu ungo ri ku Abachi Unkpi nu unkplassu wa.

Ibraniya 12:2

Di inta surr ashishi amunta ka ni Yesu ku, nggo iyo isisurr imunta yi bazhi ni ime̱me̱ kuma ni ikikre yi, i zhi nu uwa yo ku. Yesu à si kru, nggo a tsutsarr ma hen. A ka na yo itu nu nggo à hi inyarr yi nggo i kurr bi ma nggo. A si kye ittu ishisha yi nu unkunkurr ku ki inkindirr hen. Ziza à so nu ungo ri ku Abachi na abubo a ittu ama wa.

Ibwu Tsarr 1:7

Kye, uwanggo à so nga na akpa ka. Anishirr a ta ki ashishi a hi ma we, bi kye na abangga ba nggo a sso ma mi nggo. Iga i ingbingbru yi i ta ba azhittu ni itu ima yi. I ta si meme yo! Du yi si meme yo.

Ibwu Tsarr 20:11

Mre ingga hi imburr ittu inkpi ikikla numa undurr a so na yi. Unkplassu ku tuku ingbingbru yi a kru nado, na zha inkla i sharri chankarr.