Matiyu 26:25 - Ungbamvu Ku Abachi Azhi Ahe̲he̲ Ka

²⁵ Judasi wanggo nggo à ta ba Yesu à re ba, à gru zhi meme di, “Unitsarr, ùwà si so da di ingga hen?” I Yesu ddu ma di, “Nâ ta si nggo uwa da ki itu muwa.”

Matiyu 26:25 ပူးပေါင်းရင်းမြစ်များ

Matiyu 23:7

Na di zha di anishirr bu chi ba na kuttu nu udu, na di zha di anishirr bu yo ba di, ‘Unitsarr’.

Matiyu 23:8

“Uwa a ta si imba nanko, i si wre aba bu yo unuma ki ‘Unitsarr’ hen, nggo imba namri si imuyirr. Unitsarr amba wa à si uyirr yo.

Matiyu 26:14

Mre uyirr nu umi ku awurr na aha abiga Yesu ba, nggo a yo ma di Judasi Iskariyoti, à gru kuma na ankpinkpye abikye ba ba,

Matiyu 26:49

Mre Yahuda tsi kuma ku ddu Yesu di, “Unitsarr, ingga chi ùwà,” na kla ma vu gri.

Matiyu 26:64

I Yesu à ddu ma di, “Nâ ta si nggo ùwà da. Ingga so da ki imba we, bazhi ziza kuma ni ichi, imba ta hi Uvuvurr a Unushirr ni so nu ungo ri ku Abachi ukyekye wa, ni ta hi ma so nga zhi na akpa ka unkplassu ka!”

Matiyu 27:11

Nggo a gri Yesu na nga na age̱ ka ugona wa, uwa zhi Yesu di, “Uwa yo su uttu a anu Yahuda wa?” Yesu kpanye ku di, “Nâ ta si nggo ùwà da.”

Luka 22:70

Aba zhi ma di, “Ùwà yo su Uvuvurr a Abachi wa?” Uwa ddu ba di, “Imba da meme yo di ingga su Uvuvurr a Abachi.”

Yohana 18:37

U Bilatu à ka sa di, “Nggi ùwà su uttu mu?” I Yesu à ka sa ku di, “Ùwà mu di ingga su uttu. Ima yo du ba ngri ingga ni ingbingbru yi, di ingga bu ni da ku anishirr ure ujiji. Undurr wa nggo ti kpanye nu ure ujiji ku uwa yo di shirr atu ku ure mungga ku.”

Yohana 4:31

Nu unto kuma mi u abiga ma ba so da ku di, “Ankpye, inta barr ùwà ri inkindirr manu!”