Matiyu 18:11 - Ungbamvu Ku Abachi Azhi Ahe̲he̲ Ka

¹¹ Ingga Uvuvurr a Unushirr i nga ikpa abi nado ba yo ttungo.]

Matiyu 18:11 ပူးပေါင်းရင်းမြစ်များ

Matiyu 10:6

Imba kuma na anu Israila ba nggo a si nâ ta si aminta ngga a nado.

Matiyu 15:24

I Yesu à ka sa ku di, “A tu ingga na aminta abi nado bu Israila ba yo ba mre.”

Matiyu 18:12

“Imba kye kingginggi, unushirr wa nggo à se na aminta ayirr yirr, uyirr nu umi umbarr ku à ti nado na? Uwa à si ta kà aminta iso itirr na atirr ba (99) du ni igbre wa, na kuma ku zha uyirr wanggo hen.

Matiyu 9:12

Nggo a so wo ba na gru da di, “Abangga ba nggo a si lo hen a si di zha uni ni ahun hen. Abi lo ngga a di zha uni ni ahun.

Luka 15:24

Uzumu wanggo a ka ttu ba, i zizami uwa tasi. A nado, i ziza ingga hi ma.’ Mre aba a kuchi ni iga yi.

Luka 15:32

Ima ki inta ni inyarr yi, nggo uzumbirr wa a ttu na tasi. A nado, i ziza uwa kanga.’ ”

Luka 19:10

Ingga Uvuvurr a Unushirr i nga nye i zha abi nado ba ni kpa ba ttungo.”

Luka 9:56

Mre i Yesu na abiga ma ba a kuma ni ìgbù numa.

Yohana 10:10

Undu ku unayi ku sa ayi, ingu, tuku ina ki ndanda. U undu mungga ku su ki ni iso tsitsirr, ni bu ni yi tsarr ssu.

Yohana 12:47

“U undurr wa nggo ti wo ure umungga ku na si kpanye na ku hen, ingga si vu ma ni ila ure hen. Ingga si nga ibre ki ingbingbru yi amu mu hen, ingga nga nye kpa yi ttungo mu.

Yohana 3:17

Abachi à si turr Uzuma wa ji nga di a bu ni vɨ anishirr ba ingbingbru ba ni ila ure mu hen, a tu ma di a bu ni kpa ba ttungo mu.

1 Timoti 1:15

Uwanggo à si ure ujiji mu nggo inta ta kpanye di a si jiji. Ingga i ta da ki imba di, Kristi Yesu à nga ni ingbingbru yi, wre ku a bu ni kpa abi la ure ttungo. Ingga yo su undanda kakami ambarr wa.