Marrku 15:15 - Ungbamvu Ku Abachi Azhi Ahe̲he̲ Ka

¹⁵ Bilatu zha du uwa ta su ku anishirr ba isisurr na ttu Barraba ttungo, na ba Yesu nu abi ta iku ba, da a bu hlo ma na gri ma ku kpa nga nu unkunkurr.

Marrku 15:15 ပူးပေါင်းရင်းမြစ်များ

Matiyu 20:19

Na ta ba ma nu anishirr ba nggo a si si anu Israila hen, aba ta sarr na me̱ ma, na hlo ma, na ta kpa ma ngu nu unkunkurr. Nu ugo ku ivi itarr uwa ta tasi.”

Matiyu 27:26

U Bilatu ttu Barraba a ttungo ba, na du ba a hlo Yesu, na ba ma nu ba gri kuma ku kpa ngu.

Marrku 10:34

Aba ta me̱ ingga, na ta sarr antinte surr ingga, na ta hlo ingga, na ta ngu ingga. Unu utarr wa, ingga ta tasi.”

Marrku 15:14

Bilatu zhi ba di, “A la angginggi?” Aba du nu ukorr unkpi na so da di, “Kpa ma nga nu unkunkurr ku!”

Luka 18:33

Na ta hlo ma, na ta ngu ma, unu utarr wa, uwa ta tasi.”

Luka 23:16

A ta si meme ingga ta hlo ma ni du ma kuma.” [

Yohana 19:1

I Bilatu da ba di a bu gri Yesu kuma ku hlo na amfarr.

Yohana 19:16

U Bilatu à ba Yesu nu abi ta iku ba di a bu kpa ma ngu. Aba kpa ma na kuma.

Indu 24:27

Ase aha a ni vu sarr u Posiyu Festu à hun ni imburr i ugona Feli yi. Feli à zha di ani Yahuda ba a bu kpanye nu uwa ku, ima yo i du ma à ka Bulu du nu uki ku iharr ku.

Indu 25:9

Festu à zha du uwa ta du ani Yahuda ba a kpanye na ku nggo, na gru zhi Bulu di, “Ùwà ta kpanye ni ga ingga kuma nu Urushalima ku re̱ narr itu imuwa ttungo na are ka nggo a da du ùwà na ka nggo?”

Galatiya 1:19

Ingga i si hi uni ko na angu numa hen. Ingga i hi Yakubu, uzayirr a Atiko Yesu wa yo mre.

1 Biturr 2:24

Kristi à vu ila ure imunta yi gri nu ukpa uma nu unkunkurr ku iklo ku, wre ki inta bu si nâ ta si aku mu ni ila ure imunta yi, ni gru di na inkindirr yi nggo Abachi à zha. Ankpa ka Kristi ka yo a du imba i wre.