Marrku 12:34 - Ungbamvu Ku Abachi Azhi Ahe̲he̲ Ka

³⁴ Yesu wo nggo ugo wa re krizhizhi mi na ddu ma di, “Uwa si ywhiywhirr mi ni mirri ni ittu yi Abachi.” Nu ugo ku uwama ku unuma si ka zhi Yesu inkindirr zizo hen.

Marrku 12:34 ပူးပေါင်းရင်းမြစ်များ

Matiyu 12:15

Nggo Yesu à wo di a so zha anko a ingu ma, na gru share nu unto ukuma. Anishirr shishemi a ga ma. Uwa du abi vri ba we a wre,

Matiyu 12:20

A si ta murr uguga ku nggo u vu kachi hen, na si ta zhi irrirri iru yi nggo i ko ki ywhiywhirr ì zhi hen. À ta di kri na hi ba ni bre amu ka yo narrnarr bari.

Matiyu 22:46

Unushirr uyirr mi à si hi inkindirr yi nggo à taka sa ku Yesu hen. Bazhi na azhibarr ama wa aba kru izhi ma are zizo.

Luka 20:40

Bazhi ni ima, undurr a si zhi Yesu inkindirr zizo hen.

Roma 7:9

Ingga i di so tsitsirr ni si hi kakami inkindirr yi nggo are ka a yo yi di si inkindirr i ndanda hen. Ila ure i bazhi nu nggo ingga hi di i si wre ingga bu na aseki anuma nggo are ka Abachi ka a han ni na ka nggo hen. Ingga gru di zha di ingga ta la ure,

Galatiya 2:19

Nu nggo ingga i di ga Are ka yo nggo, Are ka a di ingga i kaki nâ ta si iku. I ziza nggo ingga i kpanye ni Kristi ku, ikpanye ima i ttu ingga ssuzzu, wre ki ingga bu so tsitsirr na Abachi ku. A si nâ ta si nggo a klo ingga ni Kristi ku nu unkunkurr ku.

Kolosiya 4:6

Imba ti ta re na anishirr ba, imba du ure umba ku u wre iwo ni bu si su uzizi. Imba bu hi ikasa yi nggo imba i taka sa ku undurr wa nggo a zhi imba inkindirr yi nggo.