Luka 9:19 - Ungbamvu Ku Abachi Azhi Ahe̲he̲ Ka

¹⁹ Aba ddu ma di, “abanu da du uwa su Yohana uni zzu na amasirr, abanu da du uwa si Iliya, abanu da du uwa su unuma nu umi ku abi kpa are bu ngbangba ba, nggo tasi.”

Luka 9:19 ပူးပေါင်းရင်းမြစ်များ

Matiyu 14:2

Na da ku anishirr ba nggo a di so na ku undu nggo di, “Mi uwanggo a ta su Yohana uni zzu na amasirr wa yo à tasi na kanga. Ima yo i du ma à se nu ukyekye ku na aseki ka ikagri angga ka.”

Matiyu 3:1

Ni ivi yi nggo Yohana uni zzu na amasirr wa à gru ku di da ure ku Abachi na ankpuji a Yahudiya wa

Marrku 6:14

Nggo uttu Hirridu wo aseki ka nggo Yesu so na ka. Nu nggo anishirr ba hi isa i Yesu kago ni ingbingbru yi we. Abanu so da di, “Yohana uni zzu anishirr wa yo tasi, ima yo du ma se nu ukyekye ki na iki ikagri yi.”

Marrku 6:15

Abanu kye da si Iliya uni kpa are Abachi wa. Abanu da, “A si uni kpa are Abachi numa nu umi ku abi kpa are ba Abachi abi ngbangba ba.”

Luka 9:18

A si na azhibarr numa nggo Yesu ko ku so barr na ankpa ma, abiga ma aba yo a se na ku mre. Uwa zhi ba di, “Anishirr ba da di ingga su unggonggo?”

Luka 9:20

I Yesu zhi ba da di, “Imba na? Imba da di ingga su unggonggo?” I Biturr da di, “Ùwà yo su Kristi wa nggo zhi na Abachi ku.”

Yohana 1:21

Aba a zhi ma zizo di, “Uwa su unggo mu? Uwa si Iliya mu?” Uwa à kisa di, “Iya, ingga i si si Iliya hen.” Aba zhi ma di, “Uwa yo su uni kpa are wa nggo Abachi à da di à taka nga?” Uwa kisa di, “Iya.”

Yohana 1:25

aba gru zhi ma di, “Ùwà i ta si si Kristi, ka Iliya, ka uni kpa are hen, ùwà i zzu anishirr ba na amasirr, ni na nggye mu?”

Yohana 7:40

Inkpu anishirr ba nggo a kri nabo na so wo Yesu ni re yi a da di, “Ugo nggo su uni kpa are ajiji wa.”

Yohana 9:17

U anu Farrisi ba ka ku zhi ugo wa nggo à di se na akreshi ka di, “Ùwà da du ugo wa nggo à bwu ku ùwà ashishi ka su unggonggo?” Ugo wa da di, “À su uni kpa are.”