Ibwu Tsarr 5:6 - Ungbamvu Ku Abachi Azhi Ahe̲he̲ Ka

⁶ Mre ingga hi Uvuvurr Inkru à kri ku imburr yi na aninkindirr atsitsirr ane̱ ba tuku akikre ba na atsutsu. Uvuvurr Inkru wa nggo zzu nâ ti a ka ngu ma ba, na se ni injinju itangba na ashishi atangba. A ka yo si Izhi itangba i Abachi yi nggo a turr nga ni imimi yi wemi nggo.

Ibwu Tsarr 5:6 ပူးပေါင်းရင်းမြစ်များ

Luka 1:69

Nggo a ni inta uni kpa ttungo unkpi, zhi nu uga ku Doda ugarr ama wa.

Yohana 1:29

Nu uha wa u Yohana à hi Yesu à so nga na ku na ddu ba di, “Imba kye uwanggo yo a si Uvuvurr Inkru a Abachi wa nggo à ba ila ure i ingbingbru yi glo!

Yohana 1:36

na gru hi Yesu à ko zirr ba na ba, na gru ddu ba di, “Kye, Uvuvurr Inkru a Abachi wanggo!”

Indu 8:32

Inkla yi nggo anu Habasha wa à so bre na angbamvu ka Abachi ka nggo, à si inkla inggi yi nggo da di, “À si nâ ta si ivinta nggo à gri ta ku ngu. À si nâ ta si uvuvurr inkru nggo à kurr ku infunfu ikpa, uwa à si da inkindirr hen.

Ibwu Tsarr 1:4

A si ingga Yohana, nggo i charr ki imba abiga ba na aki ka nggurr bi ka Abachi atangba ka nggo si na anga ka Asiya ka. Ingga i barr di imba bu kpa ina wre tuku iso su i uwanggo wa nggo à so se ziza, na à ka se ba, na à taka nga, tuku izhi itangba yi nggo a so na age̱ ka imburr ittu ima yi,

Ibwu Tsarr 12:11

Aba a kpa ma ka na ayiyi a Uvuvurr Inkru wa tuku ure ujiji ku Abachi ku na kri ngbangba du ure ku Abachi ku u su ujiji. Na a kpanye da aba a ta ni atu ambarr wa na kɨ.

Ibwu Tsarr 13:8

Anishirr we nggo so ni ingbingbru yi a ta gbyarr ku ininazzu wa asa. Abangga ba nggo ta kuttu ku, aba yo sa abangga ba nggo bazhi nu nggo a na ingbingbru yi a si charr asa ambarr wa nu ungbamvu ku iso ku hen. Ungbamvu kuma u su ku Uvuvurr Inkru wa nggo a ngu ma.

Ibwu Tsarr 14:1

Ingga i kye ni hi Uvuvurr Inkru wa a kri ni Igbigbu i Zayo na anishirr ukrɨ ayirryirr ni iso ne̱ na ne̱ (144,000) ba nggo a charr isa ima yi, ni isa i Aki yi na achichi ambarr wa.

Ibwu Tsarr 17:14

A ta bi na ki iku nu Uvuvurr Inkru wa ku. Uvuvurr Inkru wa à ta ri ba, nu nggo uwa yo à si Atiko a atitiko tuku Uttu a atuttu. À ta nggurr bi na abangga ba nggo a yo ba yi yo, na abangga ba nggo a hla ba, na abiga abi kri ngbangba na ku ba.”

Ibwu Tsarr 21:22

Ingga i si hi uki ku ibarr Abachi ni ìgbù wama hen. Atiko Abachi Uni Inkpinkpye we wa tuku Uvuvurr Inkru wa aba yo a si uki ku ibarr ku ìgbù ku.

Ibwu Tsarr 21:23

Ìgbù wa a si zha di azhi, tuku uhwa a bu la na ku hen. Inkpinkpye i Abachi iyo i so di la ku ìgbù wa. Uvuvurr Inkru wa yo à si ila uru i ìgbù yi.

Ibwu Tsarr 22:1

Mre unitu wa à tsarr ingga umblo na amasirr a iso tsitsirr wa nggo a la nzirrnzirr zzu azarr ashishi wa nggo a yo wa di kristali. Amasirr wa a so gu zhi ni imburr ittu i Abachi tuku Uvuvurr Inkru wa.

Ibwu Tsarr 22:3

A si taka hi inkindirr inuma nggo Abachi a yo angu andanda na yi ni ìgbù wa hen. Imburr i Abachi tuku i Uvuvurr Inkru yi i taka si ni ìgbù wa. Amirr iko ama ba a ta kuttu na gbyarr ku asa.

Ibwu Tsarr 4:8

Aninkindirr atsitsirr ane̱ ba se na angba a tatani, na se na ashishi kago nu umi tuku na ábì. A so da usarr tsi kuma na zhi ni ibittu da di, “Iwre, iwre, iwre Atiko Abachi Uni Inkpinkpye we wa, uwa yo se ni ikuchi yi, ni so se ziza, ni taka nga.”

Ibwu Tsarr 5:11

Mre ingga kye, ni wo akorr a inkirr i abitu ba Abachi yi shishemi kago imburr yi na aninkindirr atsitsirr ba na akikre ba.

Ibwu Tsarr 5:12

Aba da usarr nu ukorr unkpi di, “Uvuvurr Inkru wa nggo a ngu ma nggo, à ma ikpa ukyekye ku hru ittu, tuku aseki shishemi, ni ihi, tuku ukyekye, ni ikye ssu na ango, tuku inkpinkpye ni igbyarr asa!”

Ibwu Tsarr 5:13

Mre ingga wo aseki ka nggo Abachi à na ka nu unkplassu, tuku ni imimi, tuku na achi ka imimi ka, tuku ni inyi, aba wemi a ko da usarr di, “Ku uni so ni imburr wa, tuku Uvuvurr Inkru wa, igbyarr asa, tuku ikye ssu na ango, inkpinkpye, nu ukyekye, i asese na asese!”

Ibwu Tsarr 5:14

Aninkindirr atsitsirr ane̱ ba a kpa ba di, “Du yi si meme yo.” Akikre anishirr ba a ji kuttu na gbyarr ku Uvuvurr Inkru wa asa.

Ibwu Tsarr 6:16

A so yo igbugbu yi na angbinta ka di “Kuhre yi ni ttu inta sharri glo na ashishi ka uwanggo wa nggo a sha so ni imburr ittu yi nggo tuku unfu unkpi ku Uvuvurr Inkru wa!