Ibwu Tsarr 21:3 - Ungbamvu Ku Abachi Azhi Ahe̲he̲ Ka

³ Ingga wo ukorr unkpi zhi ni imburr i ittu yi, da di, “Kye abubo a so a Abachi wa a si na anishirr ba. A ta so na ba. Aba a ta kaki ku anishirr ama. Abachi ku itu ima à ta si ba Abachi ambarr.

Ibwu Tsarr 21:3 ပူးပေါင်းရင်းမြစ်များ

Yohana 1:14

Ure ku u kaki unushirr ni rri so ni inta ba ni ingbingbru inggi yi. Inta i hi inkpinkpye ima yi, inkpinkpye i Uvuvurr uwama nggo à si ku Aki wa uyirr uwa yo, a tsarr ssu nu uzizi tuku ujiji.

Yohana 14:23

Yesu à ka sa ba di, “Anishirr ti kpanye ni ingga ku aba ta na inkindirr yi nggo ingga da ba. Aki mungga wa ta kpanye na ba. Inta ta nga ni so na ba.

2 Korrintiya 6:16

Uki ku Abachi u se na angginggi i na na anazhi? Inta yo i su Uki ku Abachi utsitsirr wa. Nâ ta si nggo Abachi à da di: “Ingga i ta rri so na ba ni zirr na ba, ni ta sa Abachi ambarr, aba ta sa anishirr amungga.”

2 Korrintiya 6:18

“Ingga i ta sa Aki amba, i imba ta sa amumarr mungga aniru na amba. Uwanggo yo si ida i Atiko Uni Inkpinkpye we wa.”

1 Tesalonika 3:11

Abachi Aki amunta wa na nkima, tuku Atiko munta wa, Yesu à bu na ki inta anko a inga ni imba ba.

Ibraniya 11:16

Aba si na meme hen, na yo isisurr ni ìgbù wanggo nggo a wre mri na se nu unkplassu mu nggo. Ni ima yo Abachi à di nyarr nggo a di yo ma di Abachi ambarr, uwa a si ni ima yo Abachi à ssu ìgbù a zu ba.

Ibraniya 8:10

Ziza, uwanggo yo a sa Azhi Ahe̱he̱ ka nggo ingga ta shi ku anishirr abu Israila ba ni ivi i so nga yi. Ingga ta du ba a hru are amungga ka ni isisurr imbarr, ni ta charr ba na ka ni isisurr. Ingga yo i ta sa Abachi ambarr wa, aba a ta sa anishirr amungga.

Ibraniya 8:2

A su ankpye unkpi abikye nu Unto ku Iwre Sha Kakami ku, ni iburr yi nggo i sa abubo a ibarr ajiji wa nggo Atiko wa mu à me na ankpa ma, na si su unushirr nggo à me yi hen.

Ibwu Tsarr 10:4

Nggo ine i tangba yi i re nggo ingga i gru ta ko charr, mre ukorr u zhi nu unkplassu nu da di, “Sha inkindirr yi nggo inge̱ itangba yi da nggo sha yi sharri. Si charr yi zu hen.”

Ibwu Tsarr 10:8

Ukorr ku nggo ingga i wo ku zhi nu unkplassu u re ni ingga ku zizo da di, “Kuma ku kpa unggakpa ku charr ku nggo kurr ibwu yi nu ungo ku unitu a Abachi wa nggo a kri ni inyi wa tuku abi ka nggo.”

Ibwu Tsarr 12:10

Ingga gru wo ukorr hantu zhi nu unkplassu u da di: “Ziza nggo inta hi ikpa ttungo nu ukyekye, ni ittu i Abachi amunta wa tuku ukyekye ku Kristi ama wa. Kye uni kri angbachi na amuya abiga ba ba, nggo uwa yo à kri di glo amuya amunta ba na age̱ ka Abachi na azhi ni ibittu, a ta ma ji nga ni ingbingbru yi.

Ibwu Tsarr 21:7

Abangga ba nggo a ti bwa cha, aba taka kpa wanggo zhi ni ingga ku: Ingga i ta kaki ba Abachi, aba a ta si amumarr amungga.

Ibwu Tsarr 22:3

A si taka hi inkindirr inuma nggo Abachi a yo angu andanda na yi ni ìgbù wa hen. Imburr i Abachi tuku i Uvuvurr Inkru yi i taka si ni ìgbù wa. Amirr iko ama ba a ta kuttu na gbyarr ku asa.

Ibwu Tsarr 7:15

A si ima yo i du ba, “a kri na age̱ ka imburr ittu i Abachi yi na so di na ku undu na azhi tuku ibittu nu Uki Unkpi ku Ibarr umaku. Uni so ni imburr ittu wa à ta ttu imba sharri.