Ibwu Tsarr 16:7 - Ungbamvu Ku Abachi Azhi Ahe̲he̲ Ka

⁷ Ingga i wo ukorr u zhi na akikre ka to ka da di, “Yo-o, Atiko Abachi Uni Inkpinkpye we wa, ibre amu imuwa yi i si jiji ni ma ma.”

Ibwu Tsarr 16:7 ပူးပေါင်းရင်းမြစ်များ

Ibwu Tsarr 1:8

Atiko Abachi, à da di, “Ingga yo si Ime̱me̱ ni Ikikre. Ingga yo si Uni Inkpinkpye we wa, nggo à si ziza, na à se ni ikuchi, na taka se ni ichi.”

Ibwu Tsarr 13:10

Uwanggo nggo a ti ta vu ma harr, aba a ta vu ma harr. Uwanggo nggo a ti ta ngu ma na anjingba, aba a ta ngu ma na anjingba. Ni ima yo, anishirr ba Abachi ba a bu vu isisurr gri na kri ngbangba ni iga imbarr yi.

Ibwu Tsarr 14:10

undurr uwama a ta so ukpakpa ahi a unfu ku Abachi wa. Ukpakpa ahi a unfu ku Abachi wa nggo a ka wa a surr nu umplango ku unfu umaku. A ta tsutsarr ma nu uru tuku imbimbru solfa, na ashishi ka abitu abi wre ba tuku Uvuvurr Inkru wa.

Ibwu Tsarr 14:18

Mre unitu unuma zizo, nggo uwa yo so di kye uru ku, à nga zhi na akikre ka. A hantu kakami nu unitu wanggo nggo a hru uruje ni ri kakami wa nggo da di, “Ki uruje amuwa wa ni shirr ahwa ka ugbyarr unkunkurr ku nggo ri grepu ku zhi ni imimi nggurr bi, nu nggo grepu uwama à wri ba.”

Ibwu Tsarr 19:2

Nu nggo ibre amu ima yi i si ijiji. A di na ku anishirr narrnarr. A ttu unddunddu ayamba ankpi anggo iba nu nggo uwa yo a na ingbingbru yi ki ndanda ni ila abubo ima yi. A han unka ku ayiyi a amirr iko ama ba na ku.”

Ibwu Tsarr 6:9

Nggo Uvuvurr Inkru wa à ddu ilo ittu ikywi yi nggo, ingga hi na achi ka akikre ka izhi i anishirr ba nggo a ka na kri ngbangba ni ibre ure ku Abachi ku. Aba a ngɨ ba ku iyo isisurr imbarr yi.