Ibwu Tsarr 13:6 - Ungbamvu Ku Abachi Azhi Ahe̲he̲ Ka

⁶ Uwa bwu angu ama ka na re are andanda ni itu i Abachi ni isa i Abachi yi, na abubo a iso a Abachi wa, na abangga ba nggo di so nu unkplassu we.

Ibwu Tsarr 13:6 ပူးပေါင်းရင်းမြစ်များ

Matiyu 12:34

Imba inkirr i ànìwǎ andanda. Nu nggo isisurr imba yi i si imimi, imba ka na kingginggi ni da ure uzizi na angu amba ka? Angu ka di da si inkindirr yi nggo tsarr ssu ni isisurr i unushirr.

Matiyu 15:19

Aseki ka nggo di ssuzzu zhi ni isisurr i unushirr aka yo a si amarr ndanda, ingu unushirr, izha amba ni izha aniru, ni na aseki ndanda anuma ka. Iki ayi, ni iki imu, ni ki amparr.

Yohana 1:14

Ure ku u kaki unushirr ni rri so ni inta ba ni ingbingbru inggi yi. Inta i hi inkpinkpye ima yi, inkpinkpye i Uvuvurr uwama nggo à si ku Aki wa uyirr uwa yo, a tsarr ssu nu uzizi tuku ujiji.

Roma 3:13

“Are ambarr ka sa ka ngu unushirr, imu imimi nggi i di ssuzzu zhi ni irrirri imbarr yi.” “Ibarr angu imbarr yi i so di gri ukpakpa are nggo si nâ ta si itsɨ i ìwǎ nggi.”

Kolosiya 1:19

A sa amarr ka Abachi mu nu nggo a du uzuma a bu si nâ ta si Abachi a se nggo.

Kolosiya 2:9

Aseki ka we nggo a sa ka Abachi à so nu Kristi ku we nggo a so nu ukpa ku unushirr.

Ibraniya 9:2

A na iburr yi ku aseki ka angga ka yo. Unto ku ime̱me̱ ku u ri Abubo a Iwre. Nabo aba a zu ingba nu uru, i imburr inkpi, u unfonfo wa nggo a to ku Abachi.

Ibraniya 9:24

Kristi à si rri kuma si ni inkla iwre inggi nggo unushirr nggo a na yi hen. Uwama à si iyu mu unto ku ibarr ku nu unkplassu. Na di si na age̱ ka Abachi so tsi ango na angu a imunta.

Ibwu Tsarr 11:12

Abi kpa ure ba a wo ukorr unkpi zhi nu unkplassu u so ddu ba di, “Hun nga ni inggya yi.” Aba a hun ga akpa kuma nu unkplassu abi kri angba chi na ba ba a kri ko kye.

Ibwu Tsarr 12:12

Uwa a si ni ima yo, imba unkplassu ku, ni imba nggo i so na ku nggo, imba bu nyarr! Uwa ta si ingbingbru yi tuku amasirr ka nanko, uje umba, nu nggo Isheta à ka ji nga ni imba ba ba, nu unfu kakami, nu nggo à hi di ivi i ma yi i ji ntsɨmi.”

Ibwu Tsarr 15:5

Nu ugo ku aseki ka angga ka, ingga kye ni hi ba a bwu unto ku nggo Abachi di nggurr bi na anishirr ba ba, nu umi ku Uki Unkpi ku Ibarr Abachi ku nu unkplassu.

Ibwu Tsarr 18:20

A nyarr yi ku ijaku ima yi imba abi so nu unkplassu! A nyarr yi imba anishirr ba Abachi, na abi ko na angu, tuku abi kpa are ba! A nyarr yi nu nggo Abachi a ttu ma iba ku inkindirr yi nggo a di na ki imba nggo.’ ”

Ibwu Tsarr 21:3

Ingga wo ukorr unkpi zhi ni imburr i ittu yi, da di, “Kye abubo a so a Abachi wa a si na anishirr ba. A ta so na ba. Aba a ta kaki ku anishirr ama. Abachi ku itu ima à ta si ba Abachi ambarr.

Ibwu Tsarr 4:1

Nu ugo kuma, ingga kye ni hi ba a bwu anko wa nggo a hun ko nu unkplassu. Ingga wo ukorr uyiyirr ku nggo ingga i ka wo ku nu uzhila ku ime̱me̱ ku ba, u su nâ ta si ingba nggo zhi nu unkplassu. Ukorr ku uddu ingga da di, “Hun nga ni inggya, ingga ta tsarr ùwà inkindirr yi nggo i ta la nu ugo ku aseki ka nggo ùwà so hi ka ziza nggo.”

Ibwu Tsarr 4:4

Imburr ittu iso ha ni ne̱ i kri kago iyirr inggi. Akikre anishirr iso ha na ne̱ a so ni imburr ittu inggi yi. A surr iki ikikla na turr anzɨ ka izinarriya na atu ambarr wa.

Ibwu Tsarr 5:13

Mre ingga wo aseki ka nggo Abachi à na ka nu unkplassu, tuku ni imimi, tuku na achi ka imimi ka, tuku ni inyi, aba wemi a ko da usarr di, “Ku uni so ni imburr wa, tuku Uvuvurr Inkru wa, igbyarr asa, tuku ikye ssu na ango, inkpinkpye, nu ukyekye, i asese na asese!”

Ibwu Tsarr 7:15

A si ima yo i du ba, “a kri na age̱ ka imburr ittu i Abachi yi na so di na ku undu na azhi tuku ibittu nu Uki Unkpi ku Ibarr umaku. Uni so ni imburr ittu wa à ta ttu imba sharri.

Ibwu Tsarr 7:9

Inggi yi i vu sarr, ingga hi akpa anishirr nggo a mri ibre. A zhi ni ingbingbru inggi tuku igbu, iga na ane, ni irrirri ingbingbru yi kago. Aba a kri ku imburr i ittu yi tuku Uvuvurr Inkru wa ni ichi. A surr inkinkru ikikla, na hru ahiharr iri na ango ambarr.