Ibwu Tsarr 11:18 - Ungbamvu Ku Abachi Azhi Ahe̲he̲ Ka

¹⁸ Abi ingbingbru ba a ki unfu, unfu umuwa ku u nga na ba ba. Ziza nggo yo ùwà ta bre amu ku abi kɨ ba, ni nu amirr iko, abi kpa are amuwa ba azadi ambarr ka tuku abiga azizi ba, abangga ba nggo a di kru isisu imuwa nggo, na atsitsa na ankpinkpi. Ivi yi i ma ba nggo a ta ngɨ abangga ba nggo a ngu ingbingbru yi nggo.”

Ibwu Tsarr 11:18 ပူးပေါင်းရင်းမြစ်များ

Matiyu 5:12

A ti na ki imba meme, imba bi me̱ nyarr ni bri nyarr yi, azadi amba ka a kri mwe nu unkplassu. Kye a na ku abi kpa are ba nggo a ku ki imba ichi iha yi meme yo.”

Luka 1:50

Nggo a se ni itito ni itu i abi kru isisu ama ba, bazhi nu ùka numa kuma nu numa.

Ibraniya 9:27

Si ni ima yo anishirr we ta kɨ ankpu ayirr, nu ugo kuma Abachi taka ni bre ba amu.

Ibwu Tsarr 10:7

Ni ivi yi nggo unitu nu tangba wa ta vri ingba umaku, anishirr taka hi amarr ka Abachi ka nggo a zu tanko ni isisurr ima nggo, nâ ta si nggo à da ku amirr iko ama abi kpa are ba.”

Ibwu Tsarr 11:2

Ttu akpla ka abi ka glo ma. Du unto kuma, nu unggo ku nggo a ka ku nu abangga ba nggo si si ani Yahuda hen, na du ba a cha ìgbù ni wre wa ki ndanda ki ihwa iso ne̱ ni iha (42).

Ibwu Tsarr 13:10

Uwanggo nggo a ti ta vu ma harr, aba a ta vu ma harr. Uwanggo nggo a ti ta ngu ma na anjingba, aba a ta ngu ma na anjingba. Ni ima yo, anishirr ba Abachi ba a bu vu isisurr gri na kri ngbangba ni iga imbarr yi.

Ibwu Tsarr 13:16

Na nu ininazzu nu uha wa ukyekye zizo ku sa anishirr ba unggangga we, atsitsa na ankpinkpi, abu ungo na abi iha, agarr na amumarr ingri na du ba a surr ba angba nu ungo ri tuku ni ichi.

Ibwu Tsarr 14:10

undurr uwama a ta so ukpakpa ahi a unfu ku Abachi wa. Ukpakpa ahi a unfu ku Abachi wa nggo a ka wa a surr nu umplango ku unfu umaku. A ta tsutsarr ma nu uru tuku imbimbru solfa, na ashishi ka abitu abi wre ba tuku Uvuvurr Inkru wa.

Ibwu Tsarr 15:1

Ingga hi inkindirr inkpi i ku ayisurr nu unkplassu. Abitu atangba a se na hru iha itangba ikikre yi. Abangga aba yo si iha i ikikre yi, nu nggo nu ugo umbarr ku unfu ku Abachi ku ta kre.

Ibwu Tsarr 15:7

Uyirr nu umi ku aninkindirr atsitsirr ane̱ ba a nu abitu atangba ba agbugba ka izinarriya atangba nggo a tsarr ssu nu unfu ku Abachi wa nggo a so sese.

Ibwu Tsarr 18:6

Imba i na ku nâ ta si nggo à na ki imba nggo. Han ma inkindirr yi nggo à na ki imba nggo ki ankpa aha. Umplango ku nggo à burr ki imba ahi ama wa, imba burr ku nu ukuma yo ankpa aha.

Ibwu Tsarr 19:15

Anjingba ka ri kakami a ssuzzu na angu ama ka. A ta ri anishirr bi ingbingbru ba ni iku yi na anjingba angga ka yo. A ta hru ittu imbarr yi nu unkunkurr ku ka ungo ku ittu, a na ku ni inkpinkpu inklo. A ta ttu kpakpa a unfu ku Abachi Uni Inkpinkpye we wa a ttungo nâ ta a hin àmà a unkunkurr nggo a so gu ji na abubo a ina ahi wa.

Ibwu Tsarr 19:18

A nga yi ni ta inina i atuttu, ankpinkpye abi ta iku, na abi ta iku, tuku inina i inga na abi sa inga ba, inina i anishirr we, a garr na abangga a si si agarr hen, ankpinkpi na atsitsa.”

Ibwu Tsarr 19:5

Mre ukorr unuma zhi ni imburr ittu yi da di, “Gbyarr ku Abachi munta asa, imba amirr iko ama ba, imba nggo di nu ma inkpinkpye, ankpinkpi na atsitsa!”

Ibwu Tsarr 20:12

Ingga hi abangga ba nggo a ka kɨ ba nggo, ankpinkpi na atsitsa aba a kri ku imburr ittu yi ni ichi. Aba a bwu angbamvu. Na bwu ungbamvu unuma, ungbamvu ku abi so tsitsirr ku. Na bre ku abi kɨ ba are na aseki ka nggo a na aba charr ka na angbamvu ka nggo.

Ibwu Tsarr 20:15

Uwanggo nggo a ta si charr isa ima yi nu ungbamvu ku abi so tsitsirr unggo ku hen, aba a ta tu ma tu yo nu udduddu ku uru ku.

Ibwu Tsarr 22:12

“Kye, ingga nggo so nga korrmi. Ingga hru azadi amungga ni ingga ku, ni ta nu unushirr na ka ku inkindirr yi nggo undurr wa a na yi nggo.