Ibwu Tsarr 11:15 - Ungbamvu Ku Abachi Azhi Ahe̲he̲ Ka

¹⁵ Unitu nu tangba wa à vri ingba ama wa, aba wo akorr shishemi hantu nu unkplassu da di, “Ziza nggo ittu i ingbingbru yi i kaki ittu i Atiko amunta wa tuku Kristi ama wa, uwa a ta so ni ittu yi sese.”

Ibwu Tsarr 11:15 ပူးပေါင်းရင်းမြစ်များ

Matiyu 24:31

A taka vri unddu unkpi ku nggo uwa à ta tu abitu ama ba kuma kago ingbingbru yi, aba ta kuma ku gri anishirr ama ba kago ni ingbingbru yi nggo a ka hla ba ni nggurr bi ni inkla iyirr.

Matiyu 6:13

Si di inta jaku nu nggo a ti tsarr inta kye hen, ni kpa inta ttungo na ango ka Umimi wa.’

Luka 1:33

Uwa yo taka su uttu a ahinhan bu Yakubu ba sese. Ittu ima yi taka sama ni ikikre.”

Luka 15:10

Meme nggo, ingga ko da ki imba da abitu ba Abachi ba nu unkplassu ta se ni inyarr kakami ni itu i unushirr uyirr nggo a du ila ure ima yi.”

Luka 15:6

na ta gri ma nga ni iko. Na ta ni yo akpikpa ama na abi girr ama ba, na da ba di, ‘Ingga se ni inyarr, nggo ingga ku zha ivinta mungga wa nggo a nado hi. Ingga yo imba, di imba bu ni zi ingga inyarr ima yo!’

Indu 4:26

Atuttu bi ingbingbru ba a ttu ukpa ku itsi, abi hru igbu ba a nggurr bi ta tsi na Atiko ku tuku Kristi ama wa, uwanggo nggo à hla ma ki nanka nggo.’

Ibraniya 1:8

Ni itu i Uzuma wa Abachi à da di, “Ùwà Abachi, ittu imuwa yi ì ta so ku ùwà ase na ase. Ùwà bu hru anishirr muwa ba narrnarr.

Ibwu Tsarr 10:7

Ni ivi yi nggo unitu nu tangba wa ta vri ingba umaku, anishirr taka hi amarr ka Abachi ka nggo a zu tanko ni isisurr ima nggo, nâ ta si nggo à da ku amirr iko ama abi kpa are ba.”

Ibwu Tsarr 12:10

Ingga gru wo ukorr hantu zhi nu unkplassu u da di: “Ziza nggo inta hi ikpa ttungo nu ukyekye, ni ittu i Abachi amunta wa tuku ukyekye ku Kristi ama wa. Kye uni kri angbachi na amuya abiga ba ba, nggo uwa yo à kri di glo amuya amunta ba na age̱ ka Abachi na azhi ni ibittu, a ta ma ji nga ni ingbingbru yi.

Ibwu Tsarr 15:4

Atiko, unggonggo ka si kru isisu imuwa hen? Unggonggo à si ta gbyarr asa ku inkpinkpye imuwa yi hen? Ùwà yo na nkpami i su uni wre. Atuttu abi ingbingbru ba we a ta nga ni kuttu na gbyarr asa na age̱ muwa. Nu nggo anishirr ba wemi a gru hi ba du ùwà di na ku anishirr narrnarr.”

Ibwu Tsarr 16:17

Mre unitu nu tangba wa à ka agbugba ama wa a kahre nu unddunddu. Ukorr unkpi u zhi ni imburr ittu yi nu uki ku umi ku Uki Unkpi ku Ibarr Abachi ku da di, “A kre ba.”

Ibwu Tsarr 17:14

A ta bi na ki iku nu Uvuvurr Inkru wa ku. Uvuvurr Inkru wa à ta ri ba, nu nggo uwa yo à si Atiko a atitiko tuku Uttu a atuttu. À ta nggurr bi na abangga ba nggo a yo ba yi yo, na abangga ba nggo a hla ba, na abiga abi kri ngbangba na ku ba.”

Ibwu Tsarr 19:1

Nu ugo unggo ku, ingga ì wo inkindirr i yi nâ ta su akorr ku akpa anishirr shishemi nu unkplassu, na so ki akwa da di: “Haleluya! Ikpa ttungo, inkpinkpye nu ukyekye a si aba Abachi amunta wa.

Ibwu Tsarr 19:6

Ingga wo inkindirr nâ ta si akorr a akpa anishirr, nâ ta si iyi i amasirr nggo a so zzu ji ni igbre, u si nâ ta si inge̱ nggi inggurr. Ingga wo ba a hantu di, “Haleluya! Atiko munta wa Abachi Uni Inkpinkpye we wa à si Uttu.

Ibwu Tsarr 20:4

Ingga hi imburr ittu na abangga ba nggo a so na yi nggo. A nu abama yo ukyekye ku ibre amu. Ingga hi izhi i abangga ba nggo a ngɨ ba ku ure ujiji ku ni itu i Yesu tuku ure ku Abachi ku. Aba yo nggo a si kuttu ku ininazzu wa tuku ankpunkpru ama wa hen, na a si kpa angba a ininazzu wa ni ichi ka na ango ambarr hen. A ta tasi tsitsirr na hru ittu nâ ta si atuttu ni Kristi ku ki ase ukrɨ uyirr (1,000).

Ibwu Tsarr 8:12

Unitu nu ne̱ wa à vri ingba ama wa. Aba a nggurr anga ayirr na anga atarr ka azhi wa, na nggurr anga ayirr na anga atarr ka uhwa ku, tuku anga ayirr na anga atarr ka intsintse̱ yi. Anga ayirr na anga atarr ka ila uru imbarr yi a kaki ibwu. Anga ayirr na anga atarr a azhi wa, tuku anga ayirr na anga atarr ka ibittu yi mi a gru shi ibwu meme.

Ibwu Tsarr 9:1

Unitu a Abachi nu kywi wa à vri ingba ama wa, ingga hi intsintse̱ yi nggo i jaku ni imimi zhi nu ussu. A nu intsintse̱ yi inkpe̱ i bwu angu anko ka udduddu ku nggo sama ni ikikre.

Ibwu Tsarr 9:13

Unitu a Abachi nu tani wa à vri ingba ama wa, ingga wo ukorr so zhi na akotu ane̱ ka akikre ka izinarriya ka nggo a si na Abachi ku.