Galatiya 1:5 - Ungbamvu Ku Abachi Azhi Ahe̲he̲ Ka

⁵ Ni ima yo, inkpinkpye yi bu so ku Abachi sese. Du yi si meme yo.

Galatiya 1:5 ပူးပေါင်းရင်းမြစ်များ

Matiyu 28:20

ni tsarr ba du ba na aseki ka wemi nggo ingga i da ki imba. Kye, ingga ta di so ni imba ba ttuttumi, ka ku ma ni ikikre i ingbingbru yi.”

Matiyu 6:13

Si di inta jaku nu nggo a ti tsarr inta kye hen, ni kpa inta ttungo na ango ka Umimi wa.’

Luka 2:14

“Di inta nyarr ni gbyarr ku Abachi asa, nggo sa ankpye nu unkplassu, du anishirr ba ni imimi nggo Abachi kpanye na ba, a bu so ni isu isisurr.”

Roma 11:36

Abachi yo à na aseki ka wemi. Uwa yo à gri aseki ka na du ka ase ni ingbingbru yi. Di inta gbyarr ku Abachi asa ase na ase! Du yi si meme yo.

Roma 16:27

Inta bu gbyarr ku Abachi asa ase na ase. Abachi nggo, uwa yo na nkpama à si ukrizhizhi, Inta bu gbyarr ku asa. Inta bu na meme ni itu inkindirr yi nggo Yesu Kristi a na yi nggo. Du yi si meme yo.

1 Korrintiya 8:13

Iri ila imungga yi i ti ta du uniga unuma à la ure, ingga si ta ri ila ima yi mremremu hen, wre ki ingga bu si du uniga unuma jaku hen.

Afisa 1:12

A na meme wre ki inta abangga ba nggo i si abi ime̱me̱ ba ni iyo isisurr yi ni ga Kristi, di inta bu na aseki ka nggo ta gri inyarr nga ku Abachi.

Filipiya 4:20

Inkpinkpye ni inyarr i ta si i Abachi amunta nggo a si Aki, ase na ase! Du yi si meme yo.

1 Timoti 1:17

Ziza nggo, ingga so barr di inkpinkpye tuku ukyekye a bu so ku Abachi, Uttu wanggo nggo uwa yo na nkpama, à di gri anishirr ba sese, na à si taka ttu hen, unushirr ka si hi ma na ashishi hen. Du yi si meme yo.

2 Timoti 4:18

Atiko wa si ta du inkindirr numa imimi i vu ingga farr hen, na ta gri ingga nga zizi mi nu unkplassu, nggo a su Uttu. Nyarr ku sese. Du yi si meme yo.

Ibraniya 13:21

Abachi bu zi imba na di imba na aseki zizi ka we nggo à zha di imba bu na nggo, na bu du Yesu Kristi à di inta na inkindirr yi nggo iwre ku nggo. Inkpinkpye yi bu si i Yesu Kristi ase na ase. Du yi si meme yo.

1 Biturr 5:11

Ukyekye bu si ku Abachi sese! Du yi si meme yo.

2 Biturr 3:18

Meme mi imba bu furr nu uzizi tuku ihi i Atiko amunta tuku Uni kpa inta ttungo wa Yesu Kristi. Inkpinkpye i bu si ima ziza nggo tuku ase na ase. Du yi si meme yo.

Yahudi 1:25

Inkpinkpye yi we i si ima, uwa yo na nkpama à si Abachi wa nggo à kpa inta ttungo. Yesu Kristi, Atiko amunta à bu du anishirr a nu Abachi inkpinkpye, na gbyarr ku asa. A ka se ni inkpinkpye, na zzu isa, na se ni ittu tuku ukyekye, ni ikuchi, na bu si meme yo ase na ase sama ni ikikre! Du yi si meme yo.

Ibwu Tsarr 14:7

Uwa à du hantu di, “Kru isisu i Abachi ni nu ma inkpinkpye. Ivi yi ma ba nggo a ta ni bre amu ku ingbingbru yi. Kuttu ni gbyarr asa ku uwanggo nggo a na unkplassu, na na imimi na amasirr wa tuku amasirr wa nggo a di ssuzzu ni imimi.”

Ibwu Tsarr 5:12

Aba da usarr nu ukorr unkpi di, “Uvuvurr Inkru wa nggo a ngu ma nggo, à ma ikpa ukyekye ku hru ittu, tuku aseki shishemi, ni ihi, tuku ukyekye, ni ikye ssu na ango, tuku inkpinkpye ni igbyarr asa!”

Ibwu Tsarr 7:12

Na so da di, “Du yi si meme yo! Igbyarr asa ni inkpinkpye, tuku ihi, inyarr, inkpinkpye, ittu tuku ukyekye wemi a si aba Abachi ase na ase. Du yi si meme yo!”