Filipiya 4:20 - Ungbamvu Ku Abachi Azhi Ahe̲he̲ Ka

²⁰ Inkpinkpye ni inyarr i ta si i Abachi amunta nggo a si Aki, ase na ase! Du yi si meme yo.

Filipiya 4:20 ပူးပေါင်းရင်းမြစ်များ

Matiyu 28:20

ni tsarr ba du ba na aseki ka wemi nggo ingga i da ki imba. Kye, ingga ta di so ni imba ba ttuttumi, ka ku ma ni ikikre i ingbingbru yi.”

Matiyu 6:9

“Imba ka bi barr ma mi: “ ‘Aki munta wa nggo se nu nkplassu, di inta gri isa muwa yi ndindi,

Roma 11:36

Abachi yo à na aseki ka wemi. Uwa yo à gri aseki ka na du ka ase ni ingbingbru yi. Di inta gbyarr ku Abachi asa ase na ase! Du yi si meme yo.

Roma 16:27

Inta bu gbyarr ku Abachi asa ase na ase. Abachi nggo, uwa yo na nkpama à si ukrizhizhi, Inta bu gbyarr ku asa. Inta bu na meme ni itu inkindirr yi nggo Yesu Kristi a na yi nggo. Du yi si meme yo.

Afisa 3:21

Inta anishirr ba Abachi ba, ndo ni inkpu anishirr ba nggo a nggurr itu bi ni Kristi Yesu ku, imba di inta nyarr ku Abachi ni itu i inkpinkpye ima yi ase na ase! Du yi si meme yo.

Filipiya 1:11

Ingga so barr di Yesu Kristi à bu ni imba ukyekye umaku, nggo u ta di imba zirr zizi, meme nggo anishirr a ta hi uzirr umba ku na kru isisu i Abachi na bu nyarr ku.

Filipiya 4:23

Ingga i ko barr di Atiko amunta wa Yesu Kristi a bu na wre ki imba na bu kpanye ni imba ba.

1 Timoti 1:17

Ziza nggo, ingga so barr di inkpinkpye tuku ukyekye a bu so ku Abachi, Uttu wanggo nggo uwa yo na nkpama, à di gri anishirr ba sese, na à si taka ttu hen, unushirr ka si hi ma na ashishi hen. Du yi si meme yo.

Yahudi 1:25

Inkpinkpye yi we i si ima, uwa yo na nkpama à si Abachi wa nggo à kpa inta ttungo. Yesu Kristi, Atiko amunta à bu du anishirr a nu Abachi inkpinkpye, na gbyarr ku asa. A ka se ni inkpinkpye, na zzu isa, na se ni ittu tuku ukyekye, ni ikuchi, na bu si meme yo ase na ase sama ni ikikre! Du yi si meme yo.

Ibwu Tsarr 1:6

na na inta ki abi hru ittu tuku abikye undu nggo a ta na ku Abachi Aki ama wa undu. Inkpinkpye tuku ukyekye a sa abi Yesu Kristi sese! Du yi si meme yo.

Ibwu Tsarr 11:13

Na attuttu akama mre ingbingbru yi battu ni na anga ayirr na anga awurr ka ìgbù wa ki ndanda. Ibattu ima i ngɨ anishirr ukrɨ tangba (7,000). Isisu i ki abi so tsitsirr ba kakami, aba a gbyarr ku Abachi nu unkplassu wa asa.

Ibwu Tsarr 14:7

Uwa à du hantu di, “Kru isisu i Abachi ni nu ma inkpinkpye. Ivi yi ma ba nggo a ta ni bre amu ku ingbingbru yi. Kuttu ni gbyarr asa ku uwanggo nggo a na unkplassu, na na imimi na amasirr wa tuku amasirr wa nggo a di ssuzzu ni imimi.”

Ibwu Tsarr 5:12

Aba da usarr nu ukorr unkpi di, “Uvuvurr Inkru wa nggo a ngu ma nggo, à ma ikpa ukyekye ku hru ittu, tuku aseki shishemi, ni ihi, tuku ukyekye, ni ikye ssu na ango, tuku inkpinkpye ni igbyarr asa!”

Ibwu Tsarr 7:12

Na so da di, “Du yi si meme yo! Igbyarr asa ni inkpinkpye, tuku ihi, inyarr, inkpinkpye, ittu tuku ukyekye wemi a si aba Abachi ase na ase. Du yi si meme yo!”