1 Yohana 4:9 - Ungbamvu Ku Abachi Azhi Ahe̲he̲ Ka

⁹ Abachi à tsarr inta ikpanye ima yi nu nggo à tu Uzuma ingbre iyirr à nga ni ingbingbru yi, wre ki inta bu so tsitsirr ni itu ima yi.

1 Yohana 4:9 ပူးပေါင်းရင်းမြစ်များ

Marrku 12:6

“Uwa se nu uvuvurr uyirr yo nggo ta tu, uzuma wa nggo a kpanye na ku. Na tu ma, ni ikikre yi, di a ta ku kye ma ssu nu ungo.

Luka 4:18

“Izhi Iwre i Abachi yi i se ni ingga ku, ima yo du Abachi hla ingga di ingga bu ku da ku anishirr bi iha ba Ure ku wre ku. Abachi tu ingga di ingga bu ku ddu abi kri ni iharr ttungo, ni du aba akreshishi ba a hi abubo, ni ku ddu abangga ba nggo a so ni itsutsarr ttungo,

Yohana 10:10

Undu ku unayi ku sa ayi, ingu, tuku ina ki ndanda. U undu mungga ku su ki ni iso tsitsirr, ni bu ni yi tsarr ssu.

Yohana 14:6

Yesu ddu ma di, “Ingga yo sa anko wa, ni su ujiji wa, ni su iso tsitsirr yi. Undurr ka si kuma na Aki mungga wa ku sa ni ba ni ingga ku hen.

Yohana 3:16

“Abachi nggo à kpanye na anishirr ba ingbingbru ba kakami na ba Uzuma wa nggo si ingbingbi iyirr yo a ni, wre ku undurr wa nggo à ti kpanye na ku, uwa taka so sese na si taka ttu hen.

Yohana 3:18

Anishirr ba nggo a kpanye nu Uvuvurr a Abachi wa ku a si ta vɨ ba ku ila ure hen, abangga ba nggo a si kpanye na ku mu hen a vɨ ba ku ila ure imbarr yi, nggo a si kpanye nu Uvuvurr a Abachi wa ku hen.

Yohana 5:23

Aki wa zha da anishirr bi kru isisu i Uvuvurr yi nâ ta si nggo a di kru isisu ima yi. Undurr wa nggo ti kpa Uvuvurr wa chirr, ina ima yi tsarr da a si kru isisu i Aki wa nggo tu ma hen.

Yohana 6:29

Yesu ddu ba di, “Abachi zha di imba bi yo isisurr imba nu uwanggo wa nggo uwa tu ma.”

Yohana 6:51

Ingga yo su unfonfo ni so sese wa nggo ji zhi nu unkplassu. Unushirr wa nggo ti ta unfonfo wama uwa ta so sese. Inina imungga yi iyo su unfonfo wa nggo ingga ta ni, wre ku anishirr ba ingbingbru ba bi kpa iso tsitsirr.”

Yohana 6:57

Abachi nggo tu ingga, ingga so nâ ta si nggo Abachi à se meme, undurr wa nggo ti ta inina ikpa imungga yi uwa ta so nâ ta si nggo ingga mi so.

Yohana 8:29

Uwanggo wa nggo tu ingga a se ndo ni ingga ku. Ingga so di na aseki ka nggo a di su ku isisurr. Ima yo du ma si du ingga hen.”

Yohana 8:42

I Yesu ddu ba di, “Ka da Abachi yo sa Aki a imba wa jiji mu imba ka kpanye ni ingga kakami, nu nggo ingga zhi na Abachi ku ni se nu nggo ziza. Ingga si nga su ku itu mungga hen, uwa yo tu ingga.

Yohana 9:3

I Yesu da ba di, “À si si ki ila ure ima ka i akiki ma hen. Abachi à du ba a ngri ma meme, wre ku bi tsarr ba ukyekye umaku ni itu i ma yi.

Roma 8:32

Abachi si harr Uzuma mi zu hen, na ba ma to ki inta we. À ba Uzuma mu à ni gigyemi, anggi ta han ma ni ni inta aseki ka we?

Ibraniya 1:5

A si ni ima yo Abachi à si ddu unitu ama numa di, “Ùwà yo su Uzumu mungga, ari ingga kaki Ati muwa” hen. Abachi à si ddu unitu unuma di, “Ingga i ta su ku uwa Aki, ùwà à ta su ki ingga Uzumu” hen.

1 Yohana 3:16

Wanggo à si nu nggo inta i hi di a si ikpanye: Yesu Kristi à itu ima à ta yo ki inta. I wre inta bu ka atu amunta wa i ni ku amuya amunta abiga ba.

1 Yohana 4:10

Uwanggo yo a si ikpanye ijiji, Abachi nggo à kuchi kpanye ni inta ba na ni inta Uzuma wa di a bu nga ni to itu ima wre ku bu sarr inta ttungo ni ila ure imunta yi bari, inta mi gru kpanye na ku.

1 Yohana 4:16

Inta i ka hi ni yo isisurr kakami ba di Abachi à kpanye ni inta ba. Abachi à si ikpanye. Abangga ba nggo a so nu umi ku ikpanye i Abachi yi, a so nu umi ku Abachi, Abachi so nu umi umbarr ku.

1 Yohana 5:11

Uwanggo yo si inkindirr yi nggo Abachi da ki inta, Abachi à ni inta iso sese, iso ima i zhi nu Uzuma wa ku.

1 Yohana 5:13

Ingga charr ki imba nggo a kpanye ni isa i Uvuvurr a Abachi wa, wre ki imba bu hi di imba i se ni iso sese.