1 Timoti 1:8 - Ungbamvu Ku Abachi Azhi Ahe̲he̲ Ka

⁸ Inta i hi di are ka Abachi ka à wre nu nggo inta ti na undu naka na anko azizi.

1 Timoti 1:8 ပူးပေါင်းရင်းမြစ်များ

Roma 12:2

Si na aseki ka nggo anishirr bi ingbingbru ba a di na ka nggo hen. Du Abachi à ka isisurr sarr ki imba na ka imba ki ahe̱he̱. Meme nggo imba ta hi inkindirr yi nggo Abachi à zha na di nyarr yi nggo, ni si ku meme yo nggo i ka se nggo.

Roma 7:16

Ingga ti na inkindirr inggi yi nggo ingga i di ingga i si ta na yi hen, ina ima i di ingga kpanye di are ka a si inkindirr iwre.

Roma 7:18

Ingga hi di isisurr mungga yi ka si di ingga na inkindirr izizi hen, ingga unushirr jiji. Ingga zha di ingga ka na uzizi, ni na chankarr.

Roma 7:22

Isisurr mungga yi i nyarr nu umi ku Ure ku nggo u zhi na Abachi ku nggo.

Galatiya 3:21

Meme nggo, nggi Are ka Musa ka à si da inkindirr inuma mu nanka na aseki ka nggo Abachi à da zu du uwa à ta na ka nggo hen? Iya! A ka di a gri are anuma nggo à ta gri ku anishirr iso ijiji, Abachi ka kpa anishirr di a zirr zizi ku iga are imbarr iyo.

2 Timoti 2:5

Uni kru wa nggo a zu ba di a bi kru kye, à ta si ga inkindirr yi nggo a da di a bu na hen, uwa à si ta ri inkindirr nu u kru ku hen.