1 Biturr 2:7 - Ungbamvu Ku Abachi Azhi Ahe̲he̲ Ka

⁷ Ingbinta inggi yi i si ikye na ashishi kakami ni imba abangga ba nggo i yo isisurr na Abachi ku nggo. Uwa ta si abangga ba nggo a si yo isisurr na ku hen, “Ingbinta yi nggo abi me ba a kà yi, ima yo kaki ibarr iko yi.”

1 Biturr 2:7 ပူးပေါင်းရင်းမြစ်များ

Matiyu 21:42

Yesu ddu ba di, “Imba nise bre nu unto unggo ku kye nu Ungbamvu ku Abachi ku? “ ‘Ingbinta yi nggo abi me ba a kà yi di i si wre hen ima iyo di kaki itu i ibarr iko yi. A si Atiko nggo na meme, iwre ikye kakami na ashishi amunta!’

Luka 2:32

Uwa yo taka su ku anishirr ba nggo si si anu Yahuda hen uru ku kye anko ku na taka gri inyarr nga ku anishirr ama ba Israila.”

Luka 2:34

Simiyo yo ba angu ka iwre, na da ku Maryamu, ayirr a uvuvurr wa di: “Uwanggo su uvuvurr wanggo Abachi hla nggo. À ta du anishirr banu bu Israila ba kuhre, na ta gɨ abanu gru kakami. Uwa yo ta si itsarr i Abachi yi nggo anishirr ta re ndanda ni itu ima yi.

Luka 20:17

Yesu kakye anishirr ba, na zhi ba di, “Uwa ti si meme, ungbamvu ku Abachi ku u da di angginggi? “ ‘Ingbinta yi nggo abi me ba a kà yi di i si ndanda, ima iyo i kaki ingbinta inkpi yi nggo si iso gri ibarr i iko yi.’

Yohana 4:42

Na ddu ayamba wa di, “Ziza nggo, inta mi kpanye nggo inta mi ku wo ma na atu munta, na si si ki ida muwa yi mu hen. Inta hi jiji du uwa yo su Uni kpa ttungo ni ingbingbru wa.”

Indu 26:19

“Uttu Agripa, à si ima yo di ingga i na inkindirr yi nggo ula ku ù da ki ingga zhi nu unkplassu.

Roma 10:21

Ishaya da ki inta di Abachi à da ni itu i Israila di, “Ttuttumi ingga i so na ango kuma ku anishirr abangga ba nggo a kà iwo na kà ingga.”

Roma 15:31

Barr Abachi di abangga ba nggo a kà iga yi ni igbu Yahudiya a bu si na ki ingga inkindirr hen. Abachi bu du anishirr ama ba nu Urushalima a kpa aseki ka nggo ingga i so gri ba nabo nggo.

2 Korrintiya 2:16

Uwa ti sa abangga ba nggo ni so ni ibwu, na abanu ambarr ba, a di wo ingba i ittu; uwa ta si abanu ba a di wo ingba i iso tsitsirr. Unggonggo ka na undu unggo ku mri?

Kolosiya 2:10

Abachi à ni imba iso ijiji nu nggo à gri imba ni nggurr bi ni Kristi ku nggo. Kristi yo à gri ukyekye ku ihru atuttu ni ingbingbru yi.

Titu 3:3

Kye inta mi ni ikuchi i si arrurru, abi kà iwo, anishirr a re inta gri share. Inta kaki agarr ku aseki ndanda ka nggo a di wre ki inta ina, na aseki ka ingbingbru ka nggo inta i di zharr ina ka. Inta i so ndanda ni di ttu ashishi ni ikpa. Abanu a di karr inta, inta i karr ikpa meme.

Ibraniya 11:31

A si iyo isisurr iyo i du Raha, unddunddu wa, à kpa abi bre abubo kye ba, aba si ngu ma na abangga ba nggo ka iwo ku Abachi hen.

Ibraniya 4:11

Uwa a si ni ima yo, inta bu ta ukpa ni mirri ni iso su ima. Uwanggo nggo à ti kà iwo ku Abachi na ta sa anishirr ba Israila ba a na nggo, uwa mi à taka ma chankarr ni mirri yi.

1 Biturr 1:8

Imba nise hi Kristi kye, meme mi ni kpanye na ku. Imba si ko hi ma ziza nggo hen, meme mi imba i yo isisurr na ku. Ima yo i du imba tsarr ssu ni inyarr kakami mri nggo a ka da inkindirr. Inyarr imba yi i mri itsarr kye.

1 Biturr 2:4

Nga ni Yesu Kristi ku. Uwa yo à si nâ ta si ingbinta itsitsirr yi nggo anishirr a kà yi, meme mi Abachi à hla ima yo na kye yi na ashishi.

1 Biturr 2:8

Ungbamvu ku Abachi ku u da ni inkla inuma zizo di: “Uwanggo yo a si ingbinta yi nggo i ta du anishirr a bwu uza na yi, ingbinta yi nggo i ta du anishirr kuhre.” A kà na si kpanye nu ure ku Abachi ku hen, ima yo i du ba bwu aza. Wanggo yo si inkindirr yi nggo Abachi à da di i ta la na anishirr abama ba nggo.