Yohani 9:39 - ULufingwi uLupwa

³⁹ Pe uYeesu ahayanga ahati, “Ine nínzile mu nsi umu kulonga, inga avhantonko vhalolaje, havhili vhe vhakulola, vhavhe vhe vhantonko.”

Tesitamenti Umupwa 1965

³⁹ PʼuYesu ahayanga ahati: Munsʼumu mwe ninzile ukuti ndonje, ve vatakwenya ukuti venyaje, ve vakwenya ukuti vavanje vantonko.

Yohani 9:39 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Matayi 15:14

Muvhaleshe, mwe pe ivho vhalongozi avhantonko! Inga untonko akumulongola untonko uwamwavho, vhonti vhavhili vhakugwila mwi ilivha!”

Matayi 6:23

Ileelo inga aminso gaaho gafuuye, pe umuvhili waaho wonti vhukuvha ni shiisi. Inga uvhuzelu vhwe vhuli muhati yaaho vhwavha shiisi, pe ishiisi isho shikuvha shipiti nkaani!

uLuuka 1:79

swenti swe tuli mu shiisi nu kupalamila kufwa, nu kutulongola mwi idala ilya vhutehamu.”

uLuuka 13:30

“Yeenya, avhantu vhe vhatakushindikwa ahavhaliilizyo iha vhaliivha vhantu vhe vhakushindikwa, vhoope vhe vhakushindikwa ahavhaliilizyo iha, vhaliivha vhantu vhe vhatakushindikwa.”

uLuuka 2:34

Pisinda, uSimiyooni ahavhaloota. Havhili ahamuvhuuzya uMaliiya ahati, “Umwana uno avhisiilwe nu Mulungu kuzya vhantu avhinji mu nsi iya Isilayeeli. Avhantu vhe vhalimuhaana vhalilongwa, ileelo vhe vhalimwitiha vhaliipokwa. Uweene aliivha shilolesyo isha Mulungu kulunjisya ulukasamo lwakwe ku Vhaisilayeeli, ileelo avhantu vhalimuhaana.

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

uLuuka 7:21

Ahavhaliilizyo hanaaho, uYeesu ahavhaponiaga avhantu avhinji amavhinu gaavho, ahavhaponiaga avha ntamwo na vha mpepo imbiivhi. Havhili ahavhaponiaga avhantonko avhinji.

Yohani 12:31

Ishi ahavhaliilizyo haafiha aha Mulungu kuvhalonga avhantu avha mu nsi umu, havhili aha kumusumba kunzi uSeetano we mupiti uwa nsi ino.

Yohani 12:46

Ine ninzile mu nsi umu, inga mbe ne vhuzelu ku vhantu, inga umuntu wonti we akuniitiha ine atatendamaje mu shiisi.

Yohani 3:17

Yeenya, uMulungu atánsonteleziizye ne Mwana waakwe kuvhalonga avhantu avha mu nsi umu, nkandi kuvhapoha.

Yohani 3:19

Uvhu vhwe vhulonzi, uvhuzelu vhwinzile mu nsi umu, ileelo avhantu vhasungwilwe kuvha mu shiisi kuluusya kuvha mu vhuzelu, mwe pe imbombo zyavho mbiivhi.

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

Yohani 8:15

Imwe mukundonga kulandatana na ziila zye mukuzilola, ileelo ine ntakumulonga umuntu.

Yohani 9:25

Pe ahavhaamula ahati, “Ine ntamanyile kuuti umuntu uyo mutalamalandu, nkandi imanyile lyoka vhweleele, kuuti naamile ne ntonko, ileelo ishi nkulola.”

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

2 VaKolinti 2:16

Ku vhe vhakupokwa umununsi uwo mwinza, wukuuvhapa uvhulanzi. Ileelo ku vhe vhakuteega umununsi uwo muvhiivhi, wukuvhapelela uvhufwe. Ishi wu naanu we ahondeeye kuvhomba imbombo iyo?

VaEfeso 5:14

Inga uvhuzelu vhukushilamila ishintu she shili mu shiisi, shitakusyala sheshiila, shoope shikuvha nu vhuzelu. Izi zye zikuvhavhiiha avhasimvi avha nyimbo kuyanga kuuti, “Damuula iwe, we uli inza we akaasite utulo! Uzyushe iwe, we uli inza umuntu we afuuye. Pe woope uChilisiti kwe akuhozye.”

2 VaTesaloniki 2:10

Havhili alivhahopenkanya ku mavhiila na mavhiila vhonti vhe vhali mwi idala ilya kupuvha, mwe pe vhatítisile kusungwa uvhwanalyoli inga vhaposheele uvhuposhi.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

1 Yohani 2:11

Ileelo umuntu we akumuviitilwa uwamwavho, ali mu shiisi. Akujenda mu shiisi, ishisita kumanya kwe akusogola, mwe pe ishiisi shimugubishiiye ku minso.