Yohani 9:34 - ULufingwi uLupwa

³⁴ Avheene vhahamwamula vhahati, “Iwe uhapaapwa mu vhutalamalandu. Pe ungatusambiilizya vhuli iswe?” Pe vhahamushimbizya mwi isinagoogi.

Tesitamenti Umupwa 1965

³⁴ Vahamula vahamuvuzya vahati: We wapafilwe nuvutalamalandu nzila, we ukutusambilizya wenewe? Pe vahamufumwa kunzi.

Yohani 9:34 ပူးပေါင်းရင်းမြစ်များ

uLuuka 11:45

Umusambiilizi wumo uwa ndajizyo ahamuvhuuzya uYeesu ahati, “Musambiilizi, lwe ukuyanga izyo, ukutuyanga havhiivhi niiswe swe vhasambiilizi avha ndajizyo.”

uLuuka 14:11

Nkuvhavhuuzya vhwevhulo, mwe pe umuntu wonti we akuyizuvwa, uMulungu alimwisya. Ileelo umuntu we akuyiisya, uMulungu alimuzuvwa.”

uLuuka 18:17

Nalyoli nkuvhavhuuzya kuuti, umuntu wonti we atakumusuuvhila uMulungu inza umwana vwe akumusuuvhila utaata waakwe, te ahinjile naalumo mu vhumwene uvhwa Mulungu.”

uLuuka 6:22

“Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 8:41

Imbombo zye mukuvhomba zikufuma kwa taata wiinyu uwunji.” AVhayuuda ivho vhahamwamula uYeesu vhahati, “Iswe tutapafwilwe kufumiilana nu vhulugusu, uMulungu weeka we wu Taata wiitu.”

Yohani 9:2

Avhasundikwa vhaakwe vhahamuvhuziilizya vhahati, “We Musambiilizi, vhutalamalandu vhwa naanu vhwe vhwámupeleeye umuntu uno kuuti apaapwe wu ntonko? Vhuli, ávhomvile wuuyo, pamo vhapaafi vhaakwe vhe vhávhomvile?”

Yohani 9:22

Avhapaafi vhaakwe vháyanzile vhwevhulo, mwe pe vhávhogofile avhalongozi avha Vhayuuda, mwe pe avheene vhítinkiine kuuti, umuntu wonti we akwitiha kuuti uYeesu wu Chilisiti, vhakumushimbizya mwi isinagoogi.

Yohani 9:35

Lwe uYeesu ayiivwa kuuti avhalongozi avha Vhayuuda vhamushimbizya umuntu ula, ahasogola kumulondola. Lwe amwaga, ahamuvhuziilizya ahati, “Vhuli, ukumwitiha uMwana wa Aadamu?”

Yohani 9:40

AVhafalisaayi vhamo vhe vháliipo paala, lwe vhamwivwa uYeesu akuyanga izyo, vhahamuvhuziilizya vhahati, “Vhuli, niiswe swe vhantonko?”

VaGalati 2:15

Nalyoli iswe twe Vhayuuda avha kupaapwa, havhili tutakuyilola kuuti twe vhatalamalandu inza vwe tukuvhalola avhantu vhe te Vhayuuda kuuti vhatalamalandu.

VaEfeso 2:3

Nalyoli niiswe swenti tuhalandilaga inza avheene. Tuhavhulandataga uvhuntu vhwitu uvhwa vhutalamalandu, kwe kuuti tuhazivhombaga zyonti zye uvhuntu vhwitu uvhwa vhutalamalandu vhuhasiivhaga nu kwanza. Mwe pe twápafwilwe nu vhuntu uvhwa vhutalamalandu inza avhanji, iswe swenti tuhasogolaga kwi isunde ipiti ilya Mulungu kuzya vhutalamalandu vhwitu.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”

3 Yohani 1:10

Kuli izyo, lwe ninza ukwo, ndizivumbula apazelu zyonti zye akuvhomba, kwe kuuti izya ilenga zye akutuyanjila. Te ziniizyo zyeka vhweleele, ileelo akuhaana nu kuvhaposheela avhamwitu vhe vhakuvhavuula ukwo. Havhili akuvhadinda nu kuvhashimbizya mu shivhanza avhanji vhe vhakwanza kuvhaposheela.

3 Yohani 1:9

Naashisimbiiye ishivhanza ukalaata, ileelo umuntu wumo we izina lyakwe vhakuti wu Diyoteleefe we akuyivhiiha kwilongolela ngati we mupiti waavho, atakwitiha zye nsimvile.

Ishitushizya 13:17

Havhili shihavhalajizya kuuti umuntu wonti atahasheele kukala poosye kukazya, nkandi inga ali ni shimanyilo shiila. Ishimanyilo isho lizina ilya shihanu shiila ishitanzi, poosye uvhwinji vhwa mbaazyo izya izina lyakwe.