Yohani 9:30 - ULufingwi uLupwa

³⁰ Umuntu uyo ahavhaamula ahati, “Ine nkusukumila nkaani! Imwe mutamanyile kwe afumile, ileelo uweene amponiizye aminso gaane!

Tesitamenti Umupwa 1965

³⁰ Uwenʼumuntu ahamula ahavavuzya ahati: Zye zya kusukumila nkani, she mutamanyile kwʼafumile nashenga aniguliyʼaminso.

Yohani 9:30 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Matayi 21:42

Pe uYeesu ahavhavhuuzya havhili ahati, “Vhuli, mutahavhaazya uVhusimbe uVhufinjile? Yisimviilwe kuuti, ‘Ivhwe lye avhazenzi vhálihaanile, lye lyavha livhwe ipiti ilya pa shipembe isha nyumba. UMWENE uMulungu we álivhiisile ivhwe ilyo, lyope lya kusukumizya pa minso giitu.’”

Maliko 6:6

Ahasukumila nkaani, mwe pe avhantu ivho vhatámwitisile. UYeesu ahazyunguulaga mu ntala zyeziila nu kusambiilizya.

uLuuka 7:22

Pe uYeesu ahavhaamula ahati, “Sogooli mumuvhuuzye uYoohani zyonti zye mukuzilola, nu kuzyivwa. Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Yohani 12:37

Pooka nu kuuti uYeesu ávhomvile ivilolesyo ivwinji pilongolela lyavho, ileelo avhantu vhatámwitisile.

Yohani 3:10

UYeesu ahamwamula ahati, “Iwe we musambiilizi uwa vhantu avha mu nsi iya Isilayeeli we ukushindikwa, utazimanyile vhuli zyonti izi?

Yohani 9:29

Tumanyile kuuti uMulungu áyanzile nu Moose, ileelo umuntu uyo tutamanyile kwe afumile.”

Yohani 9:31

Tumanyile kuuti uMulungu atakutejeelezya impuuto izya vhatalamalandu, ileelo akumutejeelezya umuntu wonti we akumushindiha nu kuvhomba kulandatana nu lukasamo lwakwe.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.