Yohani 9:29 - ULufingwi uLupwa

²⁹ Tumanyile kuuti uMulungu áyanzile nu Moose, ileelo umuntu uyo tutamanyile kwe afumile.”

Tesitamenti Umupwa 1965

²⁹ Iswe tumumanyile ukuti uMulungu ayanzile nawʼuMose, nkandʼuno tutamanyile kwʼafumile.

Yohani 9:29 ပူးပေါင်းရင်းမြစ်များ

Matayi 12:24

Ileelo lwe aVhafalisaayi vhiivwa izyo, vhahayanga vhahati, “Umuntu uno akushimbizya impepo inkandamanu ku maha aga Belizabuuli, umupiti uwa mpepo inkandamanu!”

Matayi 26:61

“Umuntu uno átili, ‘Ine ingayimongola iNyumba iMfinjile nu kuyizenga havhili ku nsiku zitatu.’”

uLuuka 23:2

Vhahanda kumulonjeelela, vhahati, “Umuntu uno, twaamuvhwenyi akusambiilizya insambiilizyo zye zikuvhavhiiha avhantu kusambuha mu nsi yiitu. Akuvhahaana avhantu kufumwa umusonko kwa Kayisaali, havhili akuyanga akuti uweene wu Chilisiti, uMwene.”

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 7:27

Umuntu uno tumumanyile kwe afumile. Ileelo uChilisiti lwe akwinza, ataliipo umuntu we aliimanya kwe akufuma.”

Yohani 7:28

Lwe uYeesu akusambiilizya pa Nyumba iMfinjile, ahayanga kwi izwi ipiti ahati, “Nalyoli mumanyile ine, havhili mumanyile kwe mfumile. Ileelo ine ntinzile ku maha gaane, uMulungu we ansonteleziizye wa nalyoli, niimwe mutamumanyile.

Yohani 8:14

UYeesu ahavhaamula ahati, “Poosye inga nkuhomeshezya neene inongwa zyane, zye nkuhomeshezya zya nalyoli, mwe pe imanyile kwe mfumile, havhili imanyile kwe nkusogola. Ileelo imwe mutamanyile kwe mfumile, poosye kwe nkusogola.

Yohani 9:16

Pe aVhafalisaayi vhamo vhahati, “Umuntu uyo atafumile kwa Mulungu, mwe pe atakulandata indajizyo izya Sabaato.” Ileelo vhamo vhahati, “Vhuli, yingavha inza vhuli kwa muntu we mutalamalandu kuvhomba ivilolesyo ivwo?” Pe vhahasugaana vhuuvho vheeka.

Yohani 9:24

Pe avhalongozi avha Vhayuuda vhahamwita havhili ulwa vhuvhili umuntu we áamile wu ntonko, vhahamuvhuuzya vhahati, “Lapa kwa Mulungu, kuuti ukuyanga uvhwanalyoli! Iswe tumanyile kuuti umuntu uyo we aakuponiizye, mutalamalandu.”

Yohani 9:30

Umuntu uyo ahavhaamula ahati, “Ine nkusukumila nkaani! Imwe mutamanyile kwe afumile, ileelo uweene amponiizye aminso gaane!

iMbombo izya Vhatumwa 22:22

Avhantu vhahamutejelezyaga uPaavhuli, ileelo lwe ayanga izyo, pe vhahanda kuzuma ahalanga kuuti, “Mugoji! Umuntu uno akwanzilwa kufwa!”

iMbombo izya Vhatumwa 26:22

Ileelo, mwe pe uMulungu anavwizye kufishila isiku ilya ileelo ili, nimiliiye pilongolela ilya vhapiti na vhansi, kufumwa uvhwahoome. Gataliipo amazwi aganji ge nkuyanga, nkandi gegaala ge avhakuvhwi nu Moose vháyanzile, kuuti galifumila.

iMbombo izya Vhatumwa 7:35

USiteefani ahajendeelela kuyanga kuuti, “UMoose uno we aVhaisilayeeli vhámuhaanile, vhahamuvhuuzya kuuti, ‘Wu naanu we akuvhiisile kuuti uvhe we mupiti, nu kuvha we mulonzi?’ Ileelo uMoose uyo we uMulungu ámusonteleziizye kuuti avhe wu songo waavho havhili muposhi waavho, kufumililana na vwe uhavhizya ámulolesheeye pa shipindi paala.

VaHebuli 1:1

Hali, uMulungu ahayangaga na vhataata vhiitu kutuushila ku vhakuvhwi. Ahavhombaga vhwevhulo ulwinji na ku madala aga mavhiila mu mavhiila.

VaHebuli 1:2

Ileelo insiku izi izya vhusililishilo, uMulungu ayanzile niiswe kutuushila kwa Mwana waakwe. Ámusavhuuye uMwana uyo kuuti we apwane ivintu vwonti, nu kutuushila ku kwakwe uMulungu ápezile imwanya ni nsi na vwonti vwe vili muumwo.