Yohani 9:22 - ULufingwi uLupwa

²² Avhapaafi vhaakwe vháyanzile vhwevhulo, mwe pe vhávhogofile avhalongozi avha Vhayuuda, mwe pe avheene vhítinkiine kuuti, umuntu wonti we akwitiha kuuti uYeesu wu Chilisiti, vhakumushimbizya mwi isinagoogi.

Tesitamenti Umupwa 1965

²² Izyene zinizi nyene zye vahayangʼavapafi vakwe, she vahogopagʼavaYuda. ShʼavaYuda vitinkine vatili: Inga wokʼumuntu akumwitiha akuti we wʼuChilisiti, we tumufumwe musinagogi.

Yohani 9:22 ပူးပေါင်းရင်းမြစ်များ

uLuuka 6:22

“Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

Yohani 1:19

Isiku limo, avhalongozi avha Vhayuuda vhávhasonteleziizye avhapuuti na Vhalaawi kufuma mu Yelusaleemu kumuvhuziilizya uYoohani uMwozyi kuuti uweene wu naanu. Uweene ahahomeshezya,

Yohani 16:2

Yeenya, vhalivhashimbizyaga imwe mu masinagoogi. Havhili, ahavhaliilizyo hakwinza he inga umuntu amugoga wumo muli imwe, alisiivhaga kuuti akuvhomba mbombo ya Mulungu.

Yohani 19:38

Kwáli umuntu wumo kufuma mu nkaaya iya Alimataayi, izina lyakwe vhahatinji uYoosefu. Umuntu uyo áali musundikwa uwa Yeesu, ileelo kukwilu, mwe pe ahavhogopaga avhalongozi avha Vhayuuda. Lwe izyo zyonti zyatuuha, pe umuntu uyo ahasogola kwa Pilaato, ahamulaavha kuuti anyatule ishaala isha Yeesu, inga ashisyile. UPilaato ahamwitishila. Pe uYoosefu ahasogola, ahashiisya ishaala isha Yeesu pa shihovhenkanyo.

Yohani 20:19

Isiku lyeliila ilya Pamulungu hamazuuvha, lye lisiku ilya kwanda ilya mulungu, avhasundikwa avha Yeesu vhávhungiine mu nyumba yimo, nu kugalila amalyango, mwe pe vhahavhogopaga avhalongozi avha Vhayuuda. Poosye she amalyango gáamile magalile, uYeesu ahavhaloleshela, nu kwimiilila pahati yaavho, ahavhalamuha ahati, “Muvhe nu vhutehamu!”

Yohani 7:13

Ileelo atáliipo umuntu we ahamuyangaga uYeesu apazelu, mwe pe vhahavhogopaga avhalongozi avha Vhayuuda.

Yohani 9:18

Ileelo avhalongozi avha Vhayuuda ivho vhatahiitiha kuuti umuntu uyo we ishi akulola, ku vhwandilo ápafwilwe wu ntonko. Pe vhahavhiita avhapaafi vhaakwe.

Yohani 9:21

Ileelo tutamanyile vwe aatalisile kulola, havhili tutamumanyile umuntu we aamuponiizye aminso gaakwe. Muvhuziilizyi wuuyo, mwe pe muntu wu songo, kuuti ayanje wuuyo.”

Yohani 9:34

Avheene vhahamwamula vhahati, “Iwe uhapaapwa mu vhutalamalandu. Pe ungatusambiilizya vhuli iswe?” Pe vhahamushimbizya mwi isinagoogi.

Yohani 9:35

Lwe uYeesu ayiivwa kuuti avhalongozi avha Vhayuuda vhamushimbizya umuntu ula, ahasogola kumulondola. Lwe amwaga, ahamuvhuziilizya ahati, “Vhuli, ukumwitiha uMwana wa Aadamu?”

iMbombo izya Vhatumwa 4:18

Pe vhahavhiita avha Peeteli nu Yoohani havhili, vhahavhasoha kuuti vhatahasheele havhili kuyanga, poosye kusambiilizya ku maha aga izina ilya Yeesu.

iMbombo izya Vhatumwa 5:13

Avhantu vhe vhatámwitisile uYeesu vhahavhatiimaga nkaani. Poosye shiniisho, naawumo we álinzile kuvhalandata ku nongwa iya kwogopa.

iMbombo izya Vhatumwa 5:40

Pe vhahiitiha amazwi aga Gamaliyeeli, vhahavhiita avhatumwa vhaala, vhahalajizya kuuti vhahomwe. Vhahavhahaana kuuti vhatasambilizyaje havhili ku maha aga izina ilya Yeesu, vhahavhitishila kuuti vhasogolaje ku mwavho.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”