Yohani 9:17 - ULufingwi uLupwa

¹⁷ Pe aVhafalisaayi vhahamuvhuziilizya havhili vhahati, “Vhuli, ukuti vhuli umuntu uyo we akuponia aminso?” Uweene ahavhaamula ahati, “Ine nkulola kuuti, umuntu uyo mukuvhwi uwa Mulungu.”

Tesitamenti Umupwa 1965

¹⁷ Vahamuvuzya nohavili uwantonko vahati: Iwe shinishi shʼayiguyʼaminso gaho, pʼukuti wʼunanu? Uwene ahati: We mukuvwi.

Yohani 9:17 ပူးပေါင်းရင်းမြစ်များ

Matayi 21:11

Ivhungaana ilyo lihati, “Uno wu Yeesu, umukuvhwi kufuma mu nkaaya iya Naazaleeti, mu shigavho isha nsi isha Galilaaya.”

uLuuka 24:19

Woope uYeesu ahati, “Kuli nongwa vhuli?” Vhahamwamula vhahati, “Inongwa zye vhamuvhombeeye uYeesu uwa ku Naazaleeti. Umuntu we aamile mukuvhwi, havhili aamile na maha aminji mu mbombo na mu mazwi gaakwe, havhili uMulungu na vhantu vhamwitihaga.

Yohani 4:19

Umwantanda uyo ahamwamula uYeesu ahati, “We mwene, ishi naamanya kuuti iwe we mukuvhwi.

Yohani 6:14

Lwe avhantu vhaala vhaalola ishilolesyo she uYeesu ávhomvile, vhahati, “Nalyoli umuntu uno mukuvhwi wa Mulungu, we twásuvhiiye kuuti akwinza mu nsi umu.”

Yohani 9:15

Pe aVhafalisaayi vhoope vhahamuvhuziilizya umuntu uyo vhahati, “Vhuli, aminso gaaho gaanzite vhuli kulola?” Ahavhaamula ahati, “Umuntu wumo aampasile intope mu minso, nageeza nu kwanda kulola.”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.