Yohani 8:54 - ULufingwi uLupwa

⁵⁴ UYeesu ahavhaamula ahati, “Inga nkuyishindiha neene neeka, uvhushindamu vhwane vhutali ni mbombo naayimo. Ileelo uTaata waane we imwe mukuti wu Mulungu wiinyu, we akunshindiha.

Tesitamenti Umupwa 1965

⁵⁴ AhamulʼuYesu ahati: Inga nkuyishindiha neka ine, pe nkandi ulushindiho lwane lute lushindiho ulwene. AlipʼuTata, wʼakunchindiha uwene, wuyo namwe mukuti we Mulungu winyu.

Yohani 8:54 ပူးပေါင်းရင်းမြစ်များ

Yohani 17:1

Lwe uYeesu aamala kuyanga na vhasundikwa vhaakwe zyonti izyo, aheenya ku mwanya, ahalaavha ahati, “We Taata, ahavhaliilizyo haafiha. Uvhalolesye avhantu uvhushindamu vhwane ine ne Mwana waaho, inga niine ne Mwana waaho imbalolesye uvhushindamu vhwaho vwe vhuli.

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 2:11

UYeesu ávhomvile ishilolesyo ishi mu nkaaya iya Kaana, mu shigavho isha nsi isha Galilaaya. Ishilolesyo isho she sháamile sha kwanda kuvhomba, kulolesya uvhushindamu vhwakwe ku vhantu. Kufumiilana niilyo, avhasundikwa vhaakwe vhahamwitiha.

Yohani 5:41

“Ine ntakusuuvhila kuuti avhantu vhanshindishe.

Yohani 7:18

Umuntu wonti we akuyanga ku maha gaakwe, akulondola uvhushindamu vhwakwe wuuyo. Ileelo we akulondola kuumupa uvhushindamu ula we amusonteleziizye, akuyanga uvhwanalyoli, atakuyanga izya ilenga.”

Yohani 7:39

UYeesu ahayangaga inongwa izya Mupepo uMufinjile we pisinda, avhiitisi vhonti avha Yeesu vhámuposheleeye. Ahavhaliilizyo iho, uMulungu ápezile ashiili kuvhatumila uMupepo uMufinjile, mwe pe uMulungu ápezile ashiili kulolesya apazelu uvhushindamu uvhwa Yeesu.

Yohani 8:41

Imbombo zye mukuvhomba zikufuma kwa taata wiinyu uwunji.” AVhayuuda ivho vhahamwamula uYeesu vhahati, “Iswe tutapafwilwe kufumiilana nu vhulugusu, uMulungu weeka we wu Taata wiitu.”

Yohani 8:50

Ntakwanza kuuti imwe munshindishe. UMulungu we akwanza kunshindiha, havhili uweene we Mulonzi uwa Nalyoli.

iMbombo izya Vhatumwa 3:13

UMulungu uwa vhataata vhiitu, avha Aabulahamu nu Yisaaka nu Yaakobu, amushindisile umuvhomvi waakwe uYeesu, we imwe mwámulonjeleeye ku vhapiti nu kumuhaana lwe uPilaato akuti amusatule.

2 VaKolinti 10:18

Umuntu wonti we akuyihomeshezya inyinza wuuyo atakwitishilwa, nkandi we uMwene uYeesu akumuhomeshezya inyinza.

1 Peteli 1:12

UMulungu ávhalolesiizye kuuti imbombo yaavho iya kukuvhwa yitahavhavwaga avheene, nkandi imwe. Inongwa izyo zye mwázyivuuye ku vhantu vhe vhálumbiliiye Izwi iLyinza ku maha aga Mupepo uMufinjile we uMulungu ámutumile kufuma ku mwanya. Avhahavhizya vhoope vhakusungwa nkaani kumanya inongwa izyo.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

2 Peteli 1:17

Nkuyanga vhwevhulo, mwe pe iswe twáli pooka nu Chilisiti pi igamba ilya Mulungu lwe uMulungu uTaata wiitu akuumupa umushinzi nu vhushindamu. Pe tuhiivwa izwi likuti, “Uno Mwana waane unkundwa, we nkuhondezelwa nawo.”