Yohani 8:48 - ULufingwi uLupwa

⁴⁸ AVhayuuda vhaala vhahamuvhuziilizya uYeesu vhahati, “Vhuli, tutakuyanga uvhwanalyoli lwe tukuti iwe we Musamaliya nu kuuti uli ni mpepo inkandamanu?”

Tesitamenti Umupwa 1965

⁴⁸ Pe vahamulʼavaYuda vahamuvuzya vahati: Amwe tutakulovosya lelo lwe tukuti: We muSamaliya, lwe tukuti: Uli nimpepʼimbivi iwe?

Yohani 8:48 ပူးပေါင်းရင်းမြစ်များ

Matayi 10:25

Umusundikwa akwanzilwa kuvha inza umusambiilizi waakwe, woope umuzya akwanzilwa kuvha inza umwene waakwe. Inga vhakumwita umuhaata nyumba kuuti wu Belizabuuli, vhuli, te vhahavhiite avhantu avha mu nyumba yaakwe izina ivhiivhi nkaani?”

Matayi 10:5

UYeesu ahavhatumiilizya ivho 12, ahavhalajizya ahati, “Mutahasogole ku vhe te Vhaisilayeeli, poosye kwinjila mu nkaaya yonti iya mu Samaliya,

Matayi 11:18

“Nkuvhaholanya vhwevhulo, mwe pe uYoohani áyinzile, atahalyanga, poosye kumwela, avhantu vhátili, ‘Ali ni mpepo inkandamanu.’

Matayi 12:24

Ileelo lwe aVhafalisaayi vhiivwa izyo, vhahayanga vhahati, “Umuntu uno akushimbizya impepo inkandamanu ku maha aga Belizabuuli, umupiti uwa mpepo inkandamanu!”

Matayi 12:31

Ishi nkuvhavhuuzya kuuti, uvhutalamalandu vhwonti nu musaamu wonti avhantu vhaliswilwa. Ileelo we akumusaamula uMupepo uMufinjile, te ahaswilwe.

Matayi 15:7

Mwe vhashifumbo imwe! Umukuvhwi uYisaayi áyanzile zya nalyoli lwe akukuvhwa ku zyinyu kuuti,

Yohani 1:19

Isiku limo, avhalongozi avha Vhayuuda vhávhasonteleziizye avhapuuti na Vhalaawi kufuma mu Yelusaleemu kumuvhuziilizya uYoohani uMwozyi kuuti uweene wu naanu. Uweene ahahomeshezya,

Yohani 10:20

Avhinji mu Vhayuuda ivho vhahayanga vhahati, “Uno ali ni mpepo inkandamanu ye yimuvhiisile kuvha wu shipena. Kuli lilonka vhuli kumutejeelezya umuntu uno?”

Yohani 13:13

Imwe mukuniita mukuti, ‘Musambiilizi,’ havhili mukuti, ‘Mwene,’ mukuyanga zya nalyoli, mwe pe ne Musambiilizi wiinyu, havhili ne Mwene wiinyu.

Yohani 4:9

Pe umwantanda uyo ahamwamula uYeesu ahati, “Iwe we Muyuuda, niine ne Musamaliya! Shikusukumizya nkaani kulaavha aminzi ku kwane.” Áyanzile vhwevhulo, mwe pe aVhayuuda vhatahivwanaga na Vhasamaliya.

Yohani 7:20

Ivhungaana ilya vhantu lihamwamula lihati, “Iwe uli ni mpepo inkandamanu! Vhuli, wu naanu we akwanza kukugoga?”

Yohani 8:22

Pe avheene vhahanda kuvhuzilizanya kuuti, “Shooni she akuyanga akuti, tutangamulandata kwe akusogola? Vhuli, akusogola kuyigoga?”

Yohani 8:52

Pe aVhayuuda vhaala vhahamuvhuuzya uYeesu vhahati, “Ishi twamanya kuuti iwe uli ni mpepo inkandamanu! UAabulahamu na vhakuvhwi vhahafwa, ileelo iwe ukuti, ‘Umuntu wonti we akulandata zye nkusambiilizya, te ahaafwe naalumo.’

VaLoma 15:3

Yeenya, woope uChilisiti atáyisivhiliiye wuuyo weeka, nkandi zye ávhomvile zikuvhalilana nu Vhusimbe uVhufinjile vhwe vhukuti, “Indigo zye vhakukuliga iwe Mulungu, zyánaazile ine.”

VaHebuli 13:13

Kuli izyo, niiswe tumulandate panzi iya shikwilo isho nu kujimbiilila kulola insoni inza uweene vwe ájimbiliiye.

Yakobu 2:19

Ukwitiha kuuti uMulungu ali wooka. Mwe muumwo! Zyope impepo inkandamanu zikwitiha vhwevhulo nu kutetema kwi lyoga!