Yohani 8:47 - ULufingwi uLupwa

⁴⁷ Umuntu uwa Mulungu, akulandata amazwi aga Mulungu. Imwe mutakulandata zye uMulungu akuyanga, mwe pe te mwe vhantu vhaakwe.”

Tesitamenti Umupwa 1965

⁴⁷ Uno wengʼafumile kwa Mulungu, wʼakwiṿwʼamazwi ga Mulungu. Mwe mumwo mutakwiṿwʼimwe, she mutafumile kwa Mulungu.

Yohani 8:47 ပူးပေါင်းရင်းမြစ်များ

Yohani 12:48

Umuntu wonti we akunkaana ine pooka na mazwi gaane, ali nawo uwa kumulonga. Amazwi igo ge nkugayanga, ge galimulonga pi isiku ilya kumpeleela.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 5:25

Nalyoli nkuvhavhuuzya kuuti, ahavhaliilizyo hakwinza, havhili hafisile, he avhafwe vhaliyiivwa zye ine ne Mwana wa Mulungu nkuyanga. Pe vhonti vhe vhaliyiivwa nu kwitiha, vhaliivha nu vhulanzi uvhwa shiima.

Yohani 6:65

Pe ahajendeelela kuyanga kuuti, “Ino ye nongwa nkuvhavhuuzya kuuti, ataliipo umuntu we anginza ku kwane inga uTaata waane atamulongooye.”

Yohani 8:37

Imanyile kuuti imwe mwe vha mu luho ulwa Aabulahamu, ileelo mukulondola idala ilya kungoga, mwe pe mukuhaana kuzyitiha zye nkuvhasambiilizya.

Yohani 8:43

Shooni she mutakuzimanyinsanya zye nkuyanga? Mutakuzimanyinsanya, mwe pe mutakwitiha zye nkuvhasambiilizya.

Yohani 8:45

Ileelo, mwe pe nkuvhavhuuzya izya nalyoli, mutakuniitiha.

1 Yohani 3:10

Pe ishi, umuntu we atakuvhomba ingolosu, poosye we atakumukunda uwamwavho, uyo te mwana wa Mulungu. Isho vwe tukumanya uvhusugaano uvhwa vhaana vha Mulungu, na vhaana vha Mukwalanzi.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.