Yohani 8:46 - ULufingwi uLupwa

⁴⁶ “Ishi pahati yiinyu wu naanu we angahomeshezya kuuti ine ne mutalamalandu? Inga nkuvhavhuuzya izya nalyoli, pe shooni she mutakuniitiha?

Tesitamenti Umupwa 1965

⁴⁶ Kulʼimwe ali kwi woka uwa kumenelezya gamo amalandu ine? Apene lelo inga nkuyanga zye zya nalyoli, pe mutakunitiha shonu?

Yohani 8:46 ပူးပေါင်းရင်းမြစ်များ

Matayi 21:25

Vhuli, amaha aga Yoohani aga kwozya avhantu gáfumile kwoshi? Gáfumile kwa Mulungu, pamo ku vhantu?” Pe vhahapanzanya vhahati, “Inga twati gáfumile kwa Mulungu, kwe ati, ‘Pe shooni she mutámwitisile?’

Maliko 11:31

Pe vhahapanzanya vhuuvho vheeka vhahati, “Inga twati gáfumile kwa Mulungu, kwe ati, ‘Pe shooni she mutámwitisile?’

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Yohani 16:8

Lwe uMutuuli uyo ayinza, alivhalolesyaga avhantu avha mu nsi kuuti vhatalamalandu, nu kuuti ine ne mugolosu, havhili nu kuuti uMulungu aliyinza kuvhalonga.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 8:47

Umuntu uwa Mulungu, akulandata amazwi aga Mulungu. Imwe mutakulandata zye uMulungu akuyanga, mwe pe te mwe vhantu vhaakwe.”

Yohani 8:7

Lwe vhakujendeelela kumuvhuziilizya, uYeesu ahagoloha, ahavhaamula ahati, “Inga aliipo wumo pahati yiinyu we atahavhomba naalumo uvhutalamalandu, avhe wa kwanda kumuhoma ni ivhwe umwantanda uno.”

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

1 Peteli 2:22

Uweene atávhomvile uvhutalamalandu naavhumo, poosye kuluma ilenga.