Yohani 8:44 - ULufingwi uLupwa

⁴⁴ Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

Tesitamenti Umupwa 1965

⁴⁴ Imwe mwe vana va so, va mukwakwa, mwe mumwo mukasimʼukuvomba zizyo zyʼapapiye uso imwe. Uwene mugogavantu shima, ukufuma pavwando, uwene atakwimilila muvwanalyoli, shʼuvwanalyoli navumo mumwakwe. Uwene lwʼakuyanga izyʼilenga, pʼakuyangʼizyakwe, shʼali mulumilenga, ali wʼuyise wʼilenga.

Yohani 8:44 ပူးပေါင်းရင်းမြစ်များ

Matayi 12:34

Mwe vhaana vha njoha imwe! Mungayanga vhuli amazwi aminza she mwe vhavhiivhi? Nkuvhavhuuzya isho, mwe pe umuntu akuyanga zye zyizuuye mu mwoyo waakwe.

Matayi 13:15

Avhantu ivha amooyo gaavho magomu, na makutwi gaavho gatakwivwa, na minso gaavho vhasinziliiye. Inga te she shiyo, aminso gaavho, nkandi gakulola, na makutwi gaavho, nkandi gakwivwa, havhili, nkandi vhakumanyinsanya ku nsiivho zyavho, pe vhapindushe inga mbaposhe.’”

Matayi 13:38

Umugunda ula, insi, imbeyu inyinza, vhaana vha vhumwene uvhwa Mulungu, ni ndezye, vhaana vha Muvhiivhi ula.

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”

Yohani 7:17

Umuntu wonti we akwanza kuvhomba zye uMulungu akasiime, akumanya kuuti insambiilizyo izi zifumile kwa Mulungu, havhili akumanya kuuti ntakuyanga ku maha gaane.

Yohani 8:38

Ine nkuvhavhuuzya zye nkuzilola kufuma kwa Taata waane, niimwe mukuzivhomba zye utaata wiinyu akuvhasambiilizya.”

Yohani 8:41

Imbombo zye mukuvhomba zikufuma kwa taata wiinyu uwunji.” AVhayuuda ivho vhahamwamula uYeesu vhahati, “Iswe tutapafwilwe kufumiilana nu vhulugusu, uMulungu weeka we wu Taata wiitu.”

Yohani 8:55

Niishi vhweleele, mushiili mutamumanyile uMulungu, ileelo ine imumanyile. Inga nkuti ntamumanyile uMulungu, pe nkuvha ni ilenga inza imwe. Ileelo ine imumanyile uMulungu havhili nkuzilandata zye akuyanga.

iMbombo izya Vhatumwa 13:10

ahamuvhuuzya ahati, “Iwe we mwana wa Mukwalanzi, we mulugu uwa zyonti izya nalyoli pilongolela ilya Mulungu! Uyizuuye uvhushevu uvhwa kuhopenkanya avhanji nu vhuvhiivhi vhwonti. Shooni she utakuleha kupuvwa amadala amagolosu aga MWENE uMulungu?

iMbombo izya Vhatumwa 24:9

AVhayuuda vhoope vhahahomeelezya vhahati, zyonti zye ayanga, zya nalyoli.

iMbombo izya Vhatumwa 5:3

Ileelo uPeeteli ahamuvhuuzya ahati, “Ananiya! Shooni she waaleha uSeetano ayinjila mu mwoyo waaho? Wafishila kumulumila ilenga uMupepo uMufinjile, wazyiha impiiya zimo zye uposheleeye mu mugunda waaho.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

2 Peteli 2:4

UMulungu atávhafwiliiye uvhwila, avhahavhizya vhe vhávhomvile uvhutalamalandu, ávhasumvile mu shiisi, mwe vhakunziilwe na manyoloolo. Mu shiisi umwo vhakuguliilila isiku ilya kulongwa.

1 Yohani 1:8

Inga tukuti tutali nu vhutalamalandu, tukuyihopenkanya sweneeswe, havhili tutali nu vhwanalyoli mu mooyo giitu.

1 Yohani 2:21

Nkuvhasimbila ukalaata uno, te kuuti, mwe pe mutavhumanyile uvhwanalyoli, nkandi, mwe pe muvhumanyile, havhili, mwe pe mumanyile kuuti ilenga lyonti litakufuma mu vhwanalyoli.

1 Yohani 2:4

Umuntu we akuti amumanyile uMulungu, ileelo atakuzishindiha indajizyo zyakwe, ali ni ilenga, havhili atali nu vhwanalyoli mu mwoyo waakwe.

1 Yohani 3:12

Tutahaavhe inza umuntu ula we vhahatinji uKaayini, we áamile wa Muvhiivhi ula uSeetano, ahamugoga umunine waakwe. Shooni she ámugozile? Ámugozile, mwe pe imbombo zyakwe zyáli mbiivhi, ileelo izya muzuuna waakwe zyáli ngolosu.

1 Yohani 3:15

Wonti we akumuviitilwa uwamwavho, mugozi. Niimwe mumanyile kuuti ataliipo umugozi we ali nu vhulanzi uvhwa shiima shiima muhati yaakwe.

uYuuda 1:6

Havhili mukumbushe kuuti, vhoope avhahavhizya vhaala vhakunziilwe na manyoloolo aga shiima mu shiisi, ku vhulonzi uvhwa isiku liila ipiti. Vhakunziilwe, mwe pe vháyisufwizye imbombo yaavho, vhahavhuleha uvhutendamo vhwavho.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.

Ishitushizya 9:11

Vháamile nu mwene, we wu havhizya uwa kwi ilivha ilya ku vhuzimu, izina lyakwe ku Shihebuuli wu Abadooni na ku Shiyunaani wu Apoliyooni, kwe kuuti We Akulovwa.