Yohani 8:39 - ULufingwi uLupwa

³⁹ Avheene vhahamwamula uYeesu vhahati, “Iswe utaata wiitu wu Aabulahamu.” UYeesu ahavhaamula ahati, “Inga nalyoli mwe vhaana vha Aabulahamu, nkandi mukuvhomba zye uAabulahamu ahavhombaga.

Tesitamenti Umupwa 1965

³⁹ Avene vahamula vahamuvuzya vahati: Iswe utata we Abulahamu. UwenʼuYesu ahati: Mupele mwe vana va Abulahamu, nkandi mukuvomba zizyo zyʼahavombaga uAbulahamu.

Yohani 8:39 ပူးပေါင်းရင်းမြစ်များ

Matayi 3:9

Muleshe kusiivha kuuti, ‘Tuponile, mwe pe utaata wiitu wu Aabulahamu.’ Nalyoli nkuvhavhuuzya kuuti, uMulungu ahondeeye kugalulanya amavhwe iga kuvha vhaana vha Aabulahamu!

Matayi 5:45

Ipo pe muliivha mwe vhaana vha Taata wiitu uwa ku mwanya. Uweene akuvhalamwizya izuvha avhantu avhavhiivhi na vhinza. Havhili, akuuvhapa imvula avhagolosu na vhe te vhagolosu.

Yohani 8:33

Avheene vhahamuvhuuzya vhahati, “Iswe swe vha luho ulwa Aabulahamu. Umuntu nuumo atahatuvhiiha naalumo kuvha swe vhazya. Shooni she ukuti iswe kwe tuvhe swe vhasatushe?”

Yohani 8:37

Imanyile kuuti imwe mwe vha mu luho ulwa Aabulahamu, ileelo mukulondola idala ilya kungoga, mwe pe mukuhaana kuzyitiha zye nkuvhasambiilizya.

Yohani 8:43

Shooni she mutakuzimanyinsanya zye nkuyanga? Mutakuzimanyinsanya, mwe pe mutakwitiha zye nkuvhasambiilizya.

Yohani 8:56

Utaata wiitu uAabulahamu ásesheeye nkaani, lwe aamanya kuuti kwe ninze. Áamile fwe andola, ahaseshela nkaani.”

VaLoma 4:12

Avhantu vhe vhatahiliilwe vhoope, uAabulahamu wu taata waavho mu lwitiho. Yeenya, atakuvha wu taata waavho, mwe pe vhatahiliilwe, nkandi, mwe pe vhakumwitiha uMulungu inza vwe uweene uAabulahamu áali lwe ashiili kutahiililwa.

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

VaLoma 9:7

Havhili te kuuti uluho lwonti ulwa Aabulahamu vhasaavhulwa vha Mulungu. Ndaali! UMulungu áfinzile nu Aabulahamu átili, “Avhaana avha mu luho lwaho vhaliifuma mu mpaapo izya Yisaaka.”

VaGalati 3:29

Ishi, mwe pe mwe vhantu vha Chilisiti, pe mwe vha mu mpaapo izya Aabulahamu, mulipwana vwe uMulungu áfinzile.

VaGalati 3:7

Ishi mumanye kuuti, avhantu vhe vhamwitisile uMulungu vhe vhaana vha Aabulahamu avha nalyoli!