Yohani 8:34 - ULufingwi uLupwa

³⁴ UYeesu ahavhaamula ahati, “Nalyoli nkuvhavhuuzya kuuti, umuntu wonti we akujendeelela kuvhomba uvhutalamalandu, akuvha muzya uwa vhutalamalandu.

Tesitamenti Umupwa 1965

³⁴ PʼuYesu ahavavuzya ahati: Nalyoli lyoli nkuvavuzyʼine nkuti: Vonti venga vakutalʼamalandu, ve vazya va vutalamalandu.

Yohani 8:34 ပူးပေါင်းရင်းမြစ်များ

Matayi 5:18

Nalyoli nkuvhavhuuzya kuuti, lwe hashiili kufiha ahavhaliilizyo he imwanya ni nsi viliyeepa, yitaliipo poosye iheelufi inyinsi, poosye ahandona inga hooka aha ndajizyo izya Moose he haliyeepa lwe zyonti zye zili muumwo zishiili kulunjiha.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

iMbombo izya Vhatumwa 8:23

Nkuvhwenyi kuuti uli nu mwone nkaani, havhili imbiivhi zyaho zikulemeleeye.”

VaLoma 6:12

Pe ishi, mutahaaleshe uvhutalamalandu vhugakonzye amavhili giinyu ge gakufwa. Inga mwaleha vhwagakonzya, vhulivhapelela kulandata impapilo imbiivhi izya mavhili giinyu.

VaLoma 6:16

Nalyoli mumanyile ahinza kuuti inga mwayifumwa kwa muntu nu kuvhomba zye akwanza, pe mukuvha mukumushindiha umuntu uyo, mukuvha mwe vhazya vhaakwe. Kwe kuuti inga mwalandata insiivho izya vhutalamalandu, mukuvha mwe vhazya avha vhutalamalandu. Ilyo likuvhapelela uvhufwe. Ileelo inga mukumulandata uMulungu mukuvha mwe vhazya vhaakwe, ilyo likuvhapelela uvhugolosu.

VaLoma 6:6

Tumanyile kuuti uvhuntu vhwitu uvhwa hali vhwáhomeliilwe pooka nu Chilisiti pa shihovhenkanyo, inga amaha aga vhuntu uvhwo uvhwa hali galovhe, tutahaavhe twe vhazya avha vhutalamalandu havhili.

VaLoma 7:14

Tumanyile kuuti indajizyo zyáfumile kwa Mupepo uMufinjile, ileelo ine indi nu vhuntu uvhwa vhutalamalandu, kwe kuuti ne muzya uwa vhutalamalandu.

VaLoma 7:25

Nkumusalifwa uMulungu we kwi idala ilya Mwene wiitu uYeesu Chilisiti, akutupoha kufuma mu maha aga vhutalamalandu. Yeenya, ine neneene nkulandata indajizyo izya Mulungu mu nsiivho zyane, ileelo uvhuntu vhwane uvhwa vhutalamalandu vhukulandata indajizyo izya vhutalamalandu.

VaLoma 8:21

inga vwinze visatulwe kufuma mu vhuzya vhwavho uvhwa kusheepelwa uvhumwamu, nu kuposheela uvhushindamu vhwe uMulungu aliivhapa avhaana vhaakwe.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

2 Peteli 2:19

Vhakufinga kuuti kwe vhaavhape uvhusatushe avhiitisi avhayeyevhazu ivho, she avheene vhazya avha vhutalamalandu. Nkuyanga vhwevhulo, mwe pe umuntu akuvha muzya uwa shiila she shikumukonzya.