Yohani 8:32 - ULufingwi uLupwa

³² Havhili kwe muvhumanye uvhwanalyoli. Kwi idala ilya vhwanalyoli uvhwo, uMulungu kwe avhavhiishe kuvha mwe vhasatushe.”

Tesitamenti Umupwa 1965

³² pe mulimanyinsanya uvwanalyoli, ilelo pʼuvwenʼuvwanalyoli vulivatavuzya.

Yohani 8:32 ပူးပေါင်းရင်းမြစ်များ

Matayi 11:29

Mwitishe kulongolwa niine, ngati nkambaku zye zipinyiilwe ni ijooko, musambiilile kuli ine, mwe pe ine ne mutonsu havhili njisiizye mu mwoyo waane, pe niimwe kwe muvhe nu vhutehamu mu mooyo giinyu.

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 16:13

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

Yohani 17:17

We Taata, uvhazelufwe kwi idala ilya vhwanalyoli vhwaho. Izwi lyaho vhwe vhwanalyoli.

Yohani 6:45

Yeenya, uVhusimbe uVhufinjile uvhwa vhakuvhwi vhukuti, ‘UMulungu alivhasambiilizya avhantu vhonti.’ Pe umuntu wonti we akutejeelezya nu kusambiilila kufuma kwa Taata waane, we akwinza ku kwane.

Yohani 7:17

Umuntu wonti we akwanza kuvhomba zye uMulungu akasiime, akumanya kuuti insambiilizyo izi zifumile kwa Mulungu, havhili akumanya kuuti ntakuyanga ku maha gaane.

Yohani 8:36

Ishi inga ine ne Mwana wa Mulungu navhavhiiha kuvha mwe vhasatushe ku vhutalamalandu vhwinyu, te muvhe mwe vhazya havhili, nkandi nalyoli kwe muvhe mwe vhasatushe.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

1 VaKolinti 7:22

Nkuyanga vhwevhulo, mwe pe umuntu we áamile muzya lwe uMwene uYeesu akumwita, uyo musatushe kwa Mwene uYeesu. Woope we áamile musatushe lwe uMwene akumwita, uyo muzya uwa Chilisiti.

VaGalati 5:1

UChilisiti atusatuuye, inga tuvhe twe vhasatushe. Ishi musimpe ku maha, mutahiitishe kuvha mwe vhazya avha ndajizyo havhili.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

2 Timoti 3:7

Avhantanda ivho, vhakusambiilila insiku zyonti, ileelo vhakupootwa nziila kuvhwaganya uvhwanalyoli.

Yakobu 1:25

Ileelo umuntu we akwenyeelezya nu kuzisivhiilila ahinza indajizyo indunjisu zye zili na maha aga kuvhasatula avhantu, akusugaana nuuyo. Inga akujendeelela kuvhomba vhwevhulo, ishisita kuluvwa ziila zye ayivuuye, alilootwa ku zyonti zye akuvhomba.

Yakobu 2:12

Kuli izyo, muyangaje nu kuvhomba uku mukumbuhaje kuuti uMulungu alivhalonga imwe ku ndajizyo zye zili na maha aga kuvhasatula avhantu.

1 Peteli 2:16

Imwe mwe vhasatushe, ileelo mutavhuvhombelaje uvhusatushe uvhwo kuvhomba imbiivhi, nkandi mulandilaje inza vwe avhavhomvi avha Mulungu vhakwanzilwa kulandila.

2 Yohani 1:1

Ukalaata uno nsimvile neene ne songo uwa shivhanza. Nkukusimbila iwe maayi we uMulungu akusavhuuye, pooka na vhaana vhaaho vhe mbakunzite ku mwoyo wonti. Te neene neeka ne mbakunzite, nkandi na vhanji vhonti vhe vhavhumanyile uvhwanalyoli uvhwa Izwi iLyinza, vhoope vhavhakunzite ku mwoyo wonti.