Yohani 8:31 - ULufingwi uLupwa

³¹ Pe uYeesu ahavhavhuuzya aVhayuuda vhe vhámwitisile ahati, “Inga mukugalandata amazwi gaane ge nkuvhasambiilizya, pe nalyoli kwe muvhe mwe vhasundikwa vhaane.

Tesitamenti Umupwa 1965

³¹ PʼuYesu ahavavuzyaʼavaYuda ve vamwitisile ahati: Inga mukusyelemetela mumazwi gane, pe mukuva mwe vasundikwa vane nalyoli;

Yohani 8:31 ပူးပေါင်းရင်းမြစ်များ

Matayi 24:13

Ileelo we alijimbiilila kufishila ku vhusililishilo, we aliipokwa.

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

Yohani 2:2

UYeesu na vhasundikwa vhaakwe vhoope vhálanjiliilwe, vháliipo pa winga uwo.

Yohani 6:55

Yeenya, umuvhili waane she shaakulya isha nalyoli, na mavhanda gaane she shakumwela isha nalyoli.

Yohani 8:36

Ishi inga ine ne Mwana wa Mulungu navhavhiiha kuvha mwe vhasatushe ku vhutalamalandu vhwinyu, te muvhe mwe vhazya havhili, nkandi nalyoli kwe muvhe mwe vhasatushe.

iMbombo izya Vhatumwa 13:43

Lwe avhantu vhasogola kuhaaya, aVhayuuda avhinji, pooka na vhantu vhe te Vhayuuda ileelo vhínjiiye mu shipuuto isha Vhuyuuda, vhahavhalandata avha Paavhuli nu Balinaaba. Avhatumwa vhavhili ivho vhahayangaga navho kuvhagomwa amooyo, kuuti vhajendelelaje kusuuvhila uvhwila uvhwa Mulungu.

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 26:22

Ileelo, mwe pe uMulungu anavwizye kufishila isiku ilya ileelo ili, nimiliiye pilongolela ilya vhapiti na vhansi, kufumwa uvhwahoome. Gataliipo amazwi aganji ge nkuyanga, nkandi gegaala ge avhakuvhwi nu Moose vháyanzile, kuuti galifumila.

VaLoma 11:22

Yeenya, uMulungu vwe ali uvhutonsu havhili vwe ali uvhuhali. Uweene muhali ku vhaala vhe vhatakumushindiha, ileelo kuli iwe, mutonsu inga ukujendeelela kumushindiha. Ileelo poosye niiwe inga waaleha kuvhomba vhwevhulo, uliidibwa.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

1 Timoti 2:15

Ileelo avhantanda vhalivhwaga uvhuposhi kwi idala lya kupaapa kwavho, inga vhakujendeelela kuvha nu lwitiho ni shikunzi, nu lujendo nu mwoyo umuzelu nu kuyikonzya.

1 Timoti 4:16

Uyenyaaje vwe ukulandila na mazwi ge ukusambiilizya. Inga ukuvhomba izyo, pe kwe uyiposhe nu kuvhapoha vhe vhakukutejeelezya.

2 Timoti 3:14

Ileelo iwe ugalemaje amazwi ge wásambiliiye nu kuhomeshezya kuuti ga nalyoli, mwe pe uvhamanyile vhe vhakusambiliziizye.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 8:9

Ulufingwi ulupwa ulwo te luhaavhe inza luula ulwa hali lwe návhiisile na vhataata vhaavho, ahavhaliilizyo haala he návhalemile ni nyoovhe kuvhalongola kufuma mu nsi iya Miisili. Avheene vhatáamile vhatungamu kulandata ulufingwi lwane ulwa hali. Ye nongwa niine ntávhasajiiye.

Yakobu 1:25

Ileelo umuntu we akwenyeelezya nu kuzisivhiilila ahinza indajizyo indunjisu zye zili na maha aga kuvhasatula avhantu, akusugaana nuuyo. Inga akujendeelela kuvhomba vhwevhulo, ishisita kuluvwa ziila zye ayivuuye, alilootwa ku zyonti zye akuvhomba.

1 Yohani 2:19

Avhalugu ivho vhafumile kuli iswe, ileelo vhataamile nu vhuliilani uvhwa nalyoli niiswe. Mwe pe inga vhavhanje nu vhuliilani uvhwa nalyoli niiswe, nkandi vhasyaye kuli iswe. Ishi vheefile, inga yiloleshe apazelu kuuti vhataamile nu vhuliilani uvhwa nalyoli niiswe.

1 Yohani 2:24

Ishi, amazwi gaala ge mwágivuuye kufuma ku vhwandilo uvhwa lwitiho lwinyu, mujendeelele kugalema mu mooyo giinyu. Inga mukujendeelela kuvhomba isho, pe niimwe kwe mujendeelele kuvha nu vhuliilani nu Mwana nu Taata uMulungu.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.