Yohani 8:29 - ULufingwi uLupwa

²⁹ UMulungu we ansonteleziizye ali pooka niine. Atandesiile neeka, mwe pe ahavhaliilizyo honti nkuvhomba zye zikumuhondezya.”

Tesitamenti Umupwa 1965

²⁹ Uwenʼuno wʼantumilʼine we ndi nawo ine. Uwene atakundeha nene neka ndali, shʼine shima nkuvomba zizyo zye zikumuyanana wuyo.

Yohani 8:29 ပူးပေါင်းရင်းမြစ်များ

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 3:15

UYeesu ahamwamula ahati, “Uvhombe isho, mwe pe tukwanzilwa tuvhombe zyonti zye uMulungu akwanza.” Pe uYoohani ahiitiha, ahamwozya.

Matayi 3:17

Izwi ilya Mulungu lihivwiha kufuma ku mwanya lihati, “Uno we Mwana waane unkundwa we nkuhondezelwa nawo.”

Yohani 14:31

Zye nkuzivhomba zye uTaata ándajiziizye kuzivhomba, inga avhantu vhonti avha mu nsi umu vhamanye kuuti imukunzite. Ishi yimiliili, twepe ipa.”

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Yohani 16:32

Yeenyi, ahavhaliilizyo hapalamiiye, havhili hali papiipi nkaani, he mwenti kwe musataane. Mwenti kwe musogole ukwinyu nu kundeha neeka. Ileelo ine ntali neeka, mwe pe uTaata ali pooka niine.

Yohani 17:4

Ine ndolesiizye uvhushindamu vhwaho ku vhantu vhonti kutuushila ku mbombo ye wánsonteleziizye kuyivhomba.

Yohani 4:34

UYeesu ahavhaamula ahati, “Ishaakulya shaane ine, kwe kuvhomba ulukasamo ulwa Taata we ansonteleziizye kumaliilizya imbombo yaakwe.

Yohani 5:30

UYeesu ahajendeelela kuyanga ahati, “Naashimo she ingavhomba ku maha gaane. Nkuvhalonga avhantu kulandatana na vwe uTaata waane akumbuuzya. Kuli izyo, uvhulonzi vhwane vhugolosu, mwe pe ntakuvhomba zye nkasiime, nkandi zye akasiime uTaata waane we ansonteleziizye.

Yohani 6:38

Nkuyanga isho, mwe pe ine ninzile kufuma ku mwanya, inga mbombaje ulukasamo ulwa Taata waane we ansonteleziizye. Ntinzile kuvhomba zye nkansiime neene.

Yohani 8:16

Ileelo poosye ine inga nkumulonga umuntu, nkumulonga ku vhwanalyoli, mwe pe ntakuvha neeka, nkuvha nu Taata we ansonteleziizye.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

2 Timoti 4:22

UMwene uYeesu avhe pooka niiwe. Avhafwilaje uvhwila imwe mwenti.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

1 Yohani 2:1

Mwe vhaana vhaane, nkuvhasimbila inongwa izi, inga mutavhombaje uvhutalamalandu. Ileelo poosye inga umuntu wonti muli imwe avhomba uvhutalamalandu, tuli nawo we akutulaavhila kwa Taata uMulungu, uyo wu Yeesu Chilisiti. Uweene mugolosu.

1 Yohani 3:22

Havhili tukuposheela kufuma ku kwakwe shonti she tukumulaavha, mwe pe tukuzishindiha indajizyo zyakwe nu kuvhomba zye zikumuhondezya.