Yohani 8:26 - ULufingwi uLupwa

²⁶ Indi nazyo inyinji izya kuyanga ku zyinyu ni zya kuvhalonga imwe, ileelo ntakuvhomba vhwevhulo. Ine nkuvhavhuuzya avhantu vhonti zye nkwivwa kufuma kwa Taata waane. Uweene we ansonteleziizye, havhili akuyanga izya nalyoli.”

Tesitamenti Umupwa 1965

²⁶ Ine ndi nazyʼinyinji nizya kuvayanga imwe nizya kuvalonga. Nkandʼuno wʼantumilʼine we wa nalyoli, nane zye niṿuye kuli wuyo, zye nkuyivuzyʼinsi.

Yohani 8:26 ပူးပေါင်းရင်းမြစ်များ

Yohani 15:15

Kwandila ishi, te mbiitaje havhili kuuti mwe vhazya vhaane, mwe pe umuzya atakumanya zye umwene waakwe akuvhomba. Ileelo imwe kwe mbiitaje kuuti mwe vhamanyani vhaane, mwe pe navhamanyisya zyonti zye nivuuye kufuma kwa Taata waane.

Yohani 16:12

“Indi she indi nazyo inyinji izya kuvhavhuuzya, ileelo ahavhaliilizyo iha mutangazijimbiilila.

Yohani 17:8

mwe pe mbavhuziizye amazwi gonti ge wámbuziizye. Vhoope vhagaposheleeye, havhili vhamanyile kuuti nalyoli mfumile ku kwaho, havhili vhitisile kuuti iwe we unsonteleziizye.

Yohani 18:20

UYeesu ahamwamula ahati, “Ahavhaliilizyo honti nayangaga na vhantu vhonti apazelu, navhasambilizyaga avhantu mu masinagoogi na pa Nyumba iMfinjile pe aVhayuuda avhinji vhakuvhungaanaga pooka. Ntaayanzile izwi naalimo kukwilu.

Yohani 3:11

Nalyoli nkukuvhuuzya kuuti, iswe tuzimanyile zye tukuyanga, havhili tukuhomeshezya ziila zye tuzivhwenyi, ileelo imwe mutakwitiha zye tukuvhavhuuzya.

Yohani 7:16

Pe uYeesu ahavhaamula ahati, “Insambiilizyo zye nkusambiilizya te zyane, zikufuma kwa Mulungu we ansonteleziizye kuli imwe.

Yohani 7:28

Lwe uYeesu akusambiilizya pa Nyumba iMfinjile, ahayanga kwi izwi ipiti ahati, “Nalyoli mumanyile ine, havhili mumanyile kwe mfumile. Ileelo ine ntinzile ku maha gaane, uMulungu we ansonteleziizye wa nalyoli, niimwe mutamumanyile.

Yohani 8:25

Pe vhahamuvhuziilizya uYeesu vhahati, “Tuvhuuzye, iwe we naanu?” UYeesu ahavhaamula ahati, “Kufuma ku vhwandilo naavhavhuziizye kuuti ine ne naanu.

Yohani 8:27

Avheene vhatámanyile kuuti uYeesu ahayangaga navho izya Taata uwa ku mwanya.

Yohani 8:40

Ileelo ishi mukulondola idala ilya kungoga, pooka nu kuuti navhavhuuzya uvhwanalyoli vhwe návhwivuuye kufuma kwa Mulungu. UAabulahamu atávhomvile inza vwe imwe mukwanza kumbombela.

2 VaKolinti 1:18

Ileelo ishi inza vwe uMulungu mutungamu, amazwi giitu kuli imwe gataamile ga kuuti, “Eena” havhili kuuti, “Ndaali.”