Yohani 8:23 - ULufingwi uLupwa

²³ UYeesu ahajendeelela kuvhavhuuzya kuuti, “Imwe mwe vha mu nsi umu, ileelo ine ne wa ku mwanya. Imwe mwe vha mu nsi ino, ileelo ine te ne wa mu nsi ino.

Tesitamenti Umupwa 1965

²³ Uwenʼahati: Imwe mufumile pansʼipa, nkandʼine mfumile kumwanya. Imwe mufumile munsʼino, nkandʼine ntafumile munsʼino.

Yohani 8:23 ပူးပေါင်းရင်းမြစ်များ

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 17:14

Mbavhuziizye izwi lyaho, ileelo avhantu avha mu nsi vhavhavitiliilwe, mwe pe te vha mu nsi umu, inza vwe niine te ne wa mu nsi umu.

Yohani 17:16

Avheene te vha mu nsi umu, inza vwe niine te ne wa mu nsi umu.

Yohani 3:13

Ataliipo umuntu wonti we ahasogola ku mwanya, ileelo ine ne Mwana wa Aadamu ne nkinza kufuma ku mwanya.

Yohani 3:31

Uweene we afumile ku mwanya ali na maha kuluusya avhantu vhonti. Umuntu wonti we afumile pa nsi, wa pa nsi, havhili akuyanga izya pa nsi panaapa. Ileelo we afumile ku mwanya ali na maha kuluusya avhantu vhonti.

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.