Yohani 8:21 - ULufingwi uLupwa

²¹ Pe uYeesu ahavhavhuuzya havhili aVhafalisaayi vhaala ahati, “Ine nkwepa. Yeenya, inga neepa imwe kwe mundondole, ileelo kwe mufwe mu vhutalamalandu vhwinyu. Imwe mutanginza kwe nkusogola.”

Tesitamenti Umupwa 1965

²¹ AhavuyizyʼuYesu ukuvavuzya ahati: Ine nkuvala, imwe mulinanzaga, mulifwanga mumalandu ginyu. Kwe nkuvalʼine, kwe mutalivalʼukufiha kukwʼimwe.

Yohani 8:21 ပူးပေါင်းရင်းမြစ်များ

Matayi 23:39

Ishi nkuvhavhuuzya kuuti, te muhandole havhili, kufishila ahavhaliilizyo he muliiti, ‘Alosiitwe we akwinza kwi izina ilya MWENE uMulungu!’”

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 25:46

“Pe avhatalamalandu vhaliyeepa nu kusogola kwi isunde ilya shiima. Ileelo avhagolosu, vhaliyinjila mu vhulanzi uvhwa shiima.”

Yohani 12:33

UYeesu áyanzile vhwevhulo kulolesya vwe aliifwa.

Yohani 12:35

UYeesu ahavhavhuuzya ahati, “Uvhuzelu vhukuvha pooka niimwe ahavhaliilizyo hansi vhweleele. Mujendeelele kujenda mu vhuzelu uvhwo lwe vhuliipo, inga ishiisi shitahinze shivhapoote, mwe pe umuntu we akujenda mu shiisi, atakumanya kwe akusogola.

Yohani 13:33

Mwe vhaana vhaane, kwe mbe niimwe ahavhaliilizyo hansi vhweleele. Inza vwe naavhavhuziizye avhalongozi avha Vhayuuda, niishi vhweleele nkuvhavhuuzya niimwe kuuti kwe mundondole, ileelo imwe mutanginza kwe nkusogola.

Yohani 7:34

Kwe mundondole, ileelo te mundole, havhili imwe mutanginza kwe nkusogola.”

Yohani 7:36

Vhuli, akwanza atuvhuuzye ishooni ku mazwi gaakwe ge akuti, ‘Kwe mundondole, ileelo te mundole, havhili imwe mutanginza kwe nkusogola’?”

Yohani 8:24

Ye nongwa navhavhuuzya kuuti, kwe mufwe mu vhutalamalandu vhwinyu. Ishi inga mutakwitiha kuuti ine ne neene, kwe mufwe mu vhutalamalandu vhwinyu.”

VaEfeso 2:1

Hali, imwe mwámile mwe vhafwe, mwe pe muhashilanyaaga indajizyo izya Mulungu nu kuvhomba uvhutalamalandu.