Yohani 8:19 - ULufingwi uLupwa

¹⁹ Pe aVhafalisaayi vhahamuvhuziilizya uYeesu vhahati, “Vhuli, uTaata waaho ali kwoshi?” Uweene ahati, “Mutamanyile ine, poosye uTaata waane mutamumanyile. Inga mwaamanyile ine, nu Taata waane, nkandi mumumanyile.”

Tesitamenti Umupwa 1965

¹⁹ Pe vahamuvuzya vahati: Ali kwi uSo? AhamulʼuYesu ahati: Nane mutamanyile, nuTata mutamumanyile. Inga mumanyilʼine, pe nkandi mumumanyile nuTata.

Yohani 8:19 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Yohani 1:10

UIzwi áliipo mu nsi. UMulungu ápezile insi kutuushila kwa Izwi uyo, ileelo poosye vhwevhulo avhantu avha mu nsi vhatámumanyile.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 15:21

Ileelo vhalivhavhombela zyonti izyo, mwe pe mukulilandata izina lyane, havhili, mwe pe vhatamumanyile we ansonteleziizye.

Yohani 16:3

Vhalivhavhombelaga vhwevhulo, mwe pe vhatamumanyile uTaata, havhili niine vhweleele vhatamanyile.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 7:28

Lwe uYeesu akusambiilizya pa Nyumba iMfinjile, ahayanga kwi izwi ipiti ahati, “Nalyoli mumanyile ine, havhili mumanyile kwe mfumile. Ileelo ine ntinzile ku maha gaane, uMulungu we ansonteleziizye wa nalyoli, niimwe mutamumanyile.

1 VaKolinti 15:34

Muvhanje ni njeele inza vwe yikwanzilwa, havhili musiivhaje ahinza, muleshe kuvhomba uvhutalamalandu, mwe pe vhamo muli imwe, vhatamumanyile uMulungu. Nkuyanga vhwevhulo, inga mbasuupizye.

VaGalati 4:9

Ileelo ishi, mumumanyile uMulungu, kwe kuuti woope avhamanyile imwe. Pe mungagaluha inza vhuli, mu maata ge gatali na maha, havhili gatangaavwa naashimo? Vhuli, mukwanza muvhe mwe vhazya avha maata iga havhili?

VaEfeso 1:17

Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 1:15

Mwa Mwana, uMulungu akuloleha apazelu vwe ali, pooka nu kuuti tutangamulola uMulungu wuuyo. UMwana ali na maha ku vipelwa vwonti.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

1 Yohani 2:23

Wonti we akumuhaana uMwana, akumuhaana nu Taata uMulungu. Ileelo wonti we akumwitiha uMwana pilongolela lya vhantu, ali nu vhuliilani nu Taata uMulungu vhweleele.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.