Yohani 8:14 - ULufingwi uLupwa

¹⁴ UYeesu ahavhaamula ahati, “Poosye inga nkuhomeshezya neene inongwa zyane, zye nkuhomeshezya zya nalyoli, mwe pe imanyile kwe mfumile, havhili imanyile kwe nkusogola. Ileelo imwe mutamanyile kwe mfumile, poosye kwe nkusogola.

Tesitamenti Umupwa 1965

¹⁴ AhamulʼuYesu ahavavuzya ahati: Pope nashenga nkuyihomeshezya nene neka, pope pʼuluhomeshezyo lwane lwa nalyoli, shʼimanyilʼine nakwe mfumile nakwe nkuvala, imwe nyene mutamanyile nakwe mfumile nakwe nkuvala.

Yohani 8:14 ပူးပေါင်းရင်းမြစ်များ

Yohani 10:15

Inza vwe uTaata amanyile ine, niine imumanyile uweene. Ine nkuyifumwa kufwa kuzipoha ingʼonzi zyane.

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 13:3

UYeesu ámanyile kuuti uTaata ámupiiye amaha aga kuvikonzya ivintu vwonti, havhili ámanyile kuuti áfumile kwa Mulungu, nu kuuti aligaluha kwa Mulungu.

Yohani 14:10

Vhuli, utakwitiha kuuti ine indi muhati ya Taata, woope uTaata ali muhati yaane? Amazwi iga ge nkuvhavhuuzya ntakuyanga ku maha gaane neene, uTaata we ali mu mwane we akuvhomba imbombo zyonti izi.

Yohani 16:28

Nínzile mu nsi kufuma kwa Taata, havhili ishi nkwepa mu nsi, nkusogola kwa Taata.”

Yohani 17:8

mwe pe mbavhuziizye amazwi gonti ge wámbuziizye. Vhoope vhagaposheleeye, havhili vhamanyile kuuti nalyoli mfumile ku kwaho, havhili vhitisile kuuti iwe we unsonteleziizye.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

Yohani 5:31

Inga nkuyihomeshezya neneene, imwe mutangiitiha kuuti zye nkuhomeshezya zya nalyoli.

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.

2 VaKolinti 11:31

UMulungu, uTaata uwa Mwene uYeesu we akwanzilwa kushindikwa shiima, amanyile kuuti ntakuluma ilenga.

2 VaKolinti 12:11

Nkuyanga ngati ne mupukupuuku, ileelo imwe mwamvijiilizya kuyanga vhwevhulo. Imwe mwanzilwaga kunkomeshezya inyinza, mwe pe poosye inga ntakushindikwa, ine te ne mutumwa umunsi kuvhaluusya vhaala vhe mukuti, “vhatumwa avhapiti.”

2 VaKolinti 12:19

Pamo mukusiivha kuuti ahavhaliilizyo honti iha, tukuyiyanjila, inga mutahatulole kuuti twe vhavhiivhi. Iswe tukuyanga izi, mwe pe twe vhavhomvi avha Chilisiti, nu Mulungu amanyile. Vhankundwa vhaane, tukuvhomba izi zyonti kuvhazenga imwe mu lwitiho.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 3:14

“Uhavhizya uwa shivhanza isha ku Lawodikiya, musimbile uti: Iga mazwi kufuma kuli ine ne Yeesu. Ine ne Amina, havhili ne hoome umutungamu nu wa nalyoli. Nkuvikonzya ivintu vwonti vwe uMulungu ápezile.