Yohani 7:4 - ULufingwi uLupwa

⁴ Inga umuntu akwanza kukumuha, atakuvhomba imbombo zyakwe kukwilu. Mwe pe ukuvhomba zyonti izi, uyilolesye apazelu ku vhantu vhonti avha mu nsi, inga vhakumanye.”

Tesitamenti Umupwa 1965

⁴ She numʼumuntu atakuvomba nahamo kukwilu lwʼakuti nkumushe mwonti. Ilelʼinga zyʼukuvomba zinizi pʼuyilolesye nazyo kunsi yonti.

Yohani 7:4 ပူးပေါင်းရင်းမြစ်များ

Matayi 23:5

Avheene imbombo zyavho zyonti vhakuvhomba, inga avhantu vhavhalole. Nkuyanga vhwevhulo, mwe pe avheene vhakuzwala pa vweni na mu nyoovhe utubuguulu utupiti utwa makwembe kuluusya utwa vhanji, havhili vhakutalimfwa utusampala utwa menda gaavho kuluusya avhanji.

Matayi 4:6

Ahamuvhuuzya ahati, “Inga iwe we Mwana wa Mulungu, yisumbe pansi, mwe pe yisimviilwe mu Vhusimbe uVhufinjile kuuti, ‘UMulungu kwe avhalajizye avhahavhizya vhaakwe, kuuti vhakutone mu nyoovhe zyavho, inga utahabumile ishinama pi ivhwe nu kuvwalala.’”

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:5

“Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

uLuuka 6:45

Vwe zili, umuntu umwinza akuyanga nu kuvhomba inyinza, zye zikufuma mu mwoyo waakwe umwinza. Woope umuntu umuvhiivhi akuyanga nu kuvhomba imbiivhi, zye zikufuma mu mwoyo waakwe umuvhiivhi, mwe pe umuntu akuyanga zye zyizuuye mu mwoyo waakwe.”

Yohani 18:20

UYeesu ahamwamula ahati, “Ahavhaliilizyo honti nayangaga na vhantu vhonti apazelu, navhasambilizyaga avhantu mu masinagoogi na pa Nyumba iMfinjile pe aVhayuuda avhinji vhakuvhungaanaga pooka. Ntaayanzile izwi naalimo kukwilu.

Yohani 7:3

Pe avhanine avha shanaavuli avha Yeesu vhahamuvhuuzya vhahati, “Uyeepe ipa, usogole mu Yudeeya, inga avhalandati vhaaho vhoope vhasogole vhazilole imbombo zye ukuvhomba.

Yohani 7:5

Avhanine vhaakwe vháyanzile vhwevhulo, mwe pe vhoope vhatámwitisile uYeesu kuuti wu Chilisiti.