Yohani 7:39 - ULufingwi uLupwa

³⁹ UYeesu ahayangaga inongwa izya Mupepo uMufinjile we pisinda, avhiitisi vhonti avha Yeesu vhámuposheleeye. Ahavhaliilizyo iho, uMulungu ápezile ashiili kuvhatumila uMupepo uMufinjile, mwe pe uMulungu ápezile ashiili kulolesya apazelu uvhushindamu uvhwa Yeesu.

Tesitamenti Umupwa 1965

³⁹ LyʼahatahagʼuMupepo we vinze vamuposhelaje ve vamwitisile, shʼuMupepo ashili, shʼuYesu ashili ukwinjila muvupiti uvumwamu.

Yohani 7:39 ပူးပေါင်းရင်းမြစ်များ

Matayi 16:14

Avheene vhahamwamula vhahati, “Vhamo vhakuti we Yoohani uMwozyi, avhamwavho vhakuti we mukuvhwi uEeliya. Havhili avhamwavho vhakuti we mukuvhwi uYelemiya na vhamwavho vhakuti we wooka mu vhakuvhwi.”

Matayi 21:11

Ivhungaana ilyo lihati, “Uno wu Yeesu, umukuvhwi kufuma mu nkaaya iya Naazaleeti, mu shigavho isha nsi isha Galilaaya.”

uLuuka 24:49

“Tejeelezyi! Ishi ine kuuti imuleete kuli imwe uMupepo uMufinjile we uTaata waane áfinzile kuuti aliivhapa. Ishi, mutendame mu nkaaya ino iya Yelusaleemu, kufishila pe muliposheela amaha kufuma ku mwanya.”

uLuuka 3:16

Pe uYoohani ahavhavhuuzya vhonti ahati, “Nalyoli ine nkuvhoozya na minzi, ileelo akwinza we ali na maha kunduusya ine, we ine ntahondeeye poosye kuvha ne muvhomvi uwa kusatula inkusa izya vilyatu vwakwe. Uyo we alivhoozya nu Mupepo uMufinjile nu mwoto.

uLuuka 7:16

Avhantu vhonti, ilyoga lihavhalema! Vhahanda kumutiima uMulungu, vhahati, “Umukuvhwi umupiti afumiiye muli iswe! UMulungu ayinzile kuvhaavwa avhantu vhaakwe!”

Yohani 1:21

Vhahamuvhuziilizya havhili vhahati, “Ishi pe we naanu? Vhuli, we mukuvhwi uEeliya?” Uweene ahavhaamula ahati, “Ine te ne Eeliya.” Avheene vhahamuvhuziilizya havhili vhahati, “Vhuli, we we mukuvhwi uwamwavho we tukumuguliilila kufuma kwa Mulungu?” UYoohani ahavhaamula ahati, “Te neene.”

Yohani 1:25

vhahamuvhuziilizya vhahati, “Inga iwe te we Chilisiti, havhili te we mukuvhwi uEeliya, havhili te we mukuvhwi uwunji we tukumuguliilila kufuma kwa Mulungu, ishi ugaazile kwoshi amaha aga kwozya avhantu?”

Yohani 1:33

Ine ntámumanyile, ileelo uMulungu we ánsonteleziizye kwozya avhantu na minzi we ámbuziizye átili, ‘Inga wamulola umuntu we uMupepo waane kufuma ku mwanya akwiha pamwanya yaakwe nu kusyala pooka nawo, we alivhozyaga avhantu nu Mupepo uMufinjile.’”

Yohani 12:16

Ahavhaliilizyo iho, avhasundikwa avha Yeesu vhatámanyile izyo. Ileelo lwe uMulungu alolesya apazelu uvhushindamu uvhwa Yeesu, pe vhahakumbuha kuuti izyo zyásimviilwe mu Vhusimbe uVhufinjile ku zyakwe na vwe avhantu vhámuvhombeeye.

Yohani 12:23

UYeesu ahavhaamula ahati, “Ishi ahavhaliilizyo haafiha aha vhushindamu vhwane ne Mwana wa Aadamu kuloleha.

Yohani 14:13

Inga mukulaavha ishintu shonti kwi izina lyane, niine kwe mbombaje inza vwe mukulaavha. Kwi idala ilyo, nkulolesya uvhushindamu uvhwa Taata vwe vhuli.

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 16:14

Uweene alilolesyaga uvhushindamu vhwane, mwe pe alivhavhuzyaga zye aposheela kuli ine.

Yohani 16:7

Nkuvhavhuuzya zya nalyoli kuuti, lilonka kuli imwe kuuti nsogole kwa Taata, mwe pe inga ntasogola uMutuuli te ayinze kuli imwe. Ileelo inga nasogola, kwe imutume kuli imwe.

Yohani 17:1

Lwe uYeesu aamala kuyanga na vhasundikwa vhaakwe zyonti izyo, aheenya ku mwanya, ahalaavha ahati, “We Taata, ahavhaliilizyo haafiha. Uvhalolesye avhantu uvhushindamu vhwane ine ne Mwana waaho, inga niine ne Mwana waaho imbalolesye uvhushindamu vhwaho vwe vhuli.

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 20:22

Pe ahavhapuutila umwuyu, ahavhavhuuzya ahati, “Posheeli uMupepo uMufinjile.

Yohani 6:14

Lwe avhantu vhaala vhaalola ishilolesyo she uYeesu ávhomvile, vhahati, “Nalyoli umuntu uno mukuvhwi wa Mulungu, we twásuvhiiye kuuti akwinza mu nsi umu.”

Yohani 7:12

Avhantu avhinji kufuma mwi ivhungaana ilyo, vhahadalinkanaga inongwa izya Yeesu. Vhamo vhahatinji uYeesu muntu mwinza, ileelo avhamwavho vhahatinji muntu we akuvhahopenkanya avhantu.

Yohani 8:54

UYeesu ahavhaamula ahati, “Inga nkuyishindiha neene neeka, uvhushindamu vhwane vhutali ni mbombo naayimo. Ileelo uTaata waane we imwe mukuti wu Mulungu wiinyu, we akunshindiha.

iMbombo izya Vhatumwa 19:2

Ahavhavhuziilizya ahati, “Vhuli, lwe mwamwitiha uYeesu mwámuposheleeye uMupepo uMufinjile?” Vhahamwamula vhahati, “Haa, poosye nu kwivwa kuuti aliipo, tutahiivwa naalumo.”

iMbombo izya Vhatumwa 2:17

‘Ku manda aga kumpeleela, ndiivhapa avhantu vhonti uMupepo waane ku vhwinji. Avhaana vhiinyu avhanaavuli na vhalindu vhalikuvhwaga uvhukuvhwi, avhaana vhiinyu avhajaaha vhalilolaga injozi izya pa minso amazelu, vhoope avhasongo vhalilootaga injozi.

iMbombo izya Vhatumwa 2:33

Lwe uMulungu amuzyusya, ahamuzuvwa nu kumuvhiiha ku luvhazu lwakwe ulwa kundiilo pa vhushindamu uvhupiti nkaani. Pe ahaposheela uMupepo uMufinjile kufuma kwa Taata, we áfinzile, ahatwitila wenewo ku vhwinji, izyo zye mukuzilola, nu kuzyivwa.

iMbombo izya Vhatumwa 2:38

UPeeteli ahavhaamula ahati, “Mwenti mupindushe nu kwozelwa kwi izina ilya Yeesu Chilisiti, inga muswilwe uvhutalamalandu vhwinyu nu kuposheela ishikunjilwa, kwe kuuti uMupepo uMufinjile.

iMbombo izya Vhatumwa 2:4

Avhantu vhonti vhahiizula uMupepo uMufinjile, vhahataliha kuyanga ku njango izinji, inza vwe uMupepo uMufinjile ávhaloosite.

iMbombo izya Vhatumwa 3:13

UMulungu uwa vhataata vhiitu, avha Aabulahamu nu Yisaaka nu Yaakobu, amushindisile umuvhomvi waakwe uYeesu, we imwe mwámulonjeleeye ku vhapiti nu kumuhaana lwe uPilaato akuti amusatule.

iMbombo izya Vhatumwa 4:31

Avhantu ivho lwe vhaamala kumulaavha uMulungu, pe vhávhungiine paala pahayingaana. Vhonti vhahiizula uMupepo uMufinjile, vhahataliha kulumbiilila izwi ilya Mulungu ku vhudandamazu.

VaLoma 8:9

Ileelo imwe mutakulongolwa nu vhuntu uvhwa vhutalamalandu, mukulongolwa nu Mupepo uMufinjile, inga nalyoli uMupepo uwa Mulungu akulandila muli imwe. Ileelo umuntu we atali nu Mupepo uwa Chilisiti, uyo te wa Chilisiti.

2 VaKolinti 3:8

vhuli, imbombo izya Mupepo uMufinjile zitakuvha nu vhushindamu nkaani?

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.